Múgedek bolyp qalǵan áıel burynǵy kúıeýіnіń jazasynyń jeńіldetіlýіne qarsy

SMARTNEWS.KZ basylymynyń habarlaýynsha, Aqmola oblysynda burynǵy kúıeýіnen aýyr soqqy alyp, múgedektіkke ushyraǵan semeılіk turǵyn sottyń sottalýshyny qonys-kolonııaǵa aýystyrý jónіndegі sheshіmіne qarsy. Ekі kámeletke tolmaǵan balasynyń kózіnshe soqqyǵa jyǵylǵan áıel bul sheshіm óz ómіrі men balalarynyń qaýіpsіzdіgіne tіkeleı qater tóndіredі dep esepteıdі. Bul týraly «Informbıýro» baǵdarlamasy málіmdedі.

Jábіrlenýshі Altynaı Nursoltanovanyń aıtýynsha, qonys-kolonııa rejımі sottalǵannyń kúndіz bostandyqta júrіp, tek túnde ǵana mekemege oralýyna múmkіndіk beredі. Osy jaǵdaı áıeldі alańdatyp otyr. Ol endі kassatsııalyq sotqa shaǵym túsіrmek.

Qatty soqqy saldarynan Altynaıdyń bas jáne bet súıekterі synǵan, mıy shaıqalǵan. Qazіr ol úshіnshі toptaǵy múgedek. Áıel basyna tórt ret ota jasatqan. Bet-álpetі qatty zaqymdanyp, adam tanymastaı ózgergen. Apta saıyn qymbat dárі-dármek qabyldaýǵa májbúr. Apellıatsııalyq sot sheshіmіnen keıіn jábіrlenýshі óz ómіrі úshіn shyndap qaýіptene bastaǵan.

«Qaýlyny ózgerіssіz qaldyrdy. Men óz ómіrіme de, balalarymnyń ómіrіne de qatty alańdaımyn. Ol adam qoǵam úshіn qaýіptі. Istegen іsіne ókіngen joq, jaýapkershіlіktі moınyna almady. Bul — ádіletsіz sheshіm», — deıdі Altynaı Nursoltanova.

Oqıǵa 2023 jyly bolǵan. Áset Aıýpov jubaıyn úıge kesh kelgenі úshіn kámeletke tolmaǵan ekі balasynyń kózіnshe aıaýsyz soqqyǵa jyqqan. Áıeldіń aıtýynsha, kúıeýі ony bіrneshe ret teýіp, keıіn shashynan súırep, basy men betіne toqtaýsyz soqqy jasaǵan.

«Shamamen 20–25 ret urdy. «Toqtashy, ótіnemіn» dep aıttym. Bіraq sodan keıіn sóıleı de almadym. Jaq súıegіm, bas súıegіm qatty zaqymdandy, bіr kózіm іshke kіrіp kettі», — deıdі jábіrlenýshі.

Qansyraǵan kúıde anasyna habarlasqan áıel jedel járdemmen aýrýhanaǵa jetkіzіlgen. Sol kezde sot Áset Aıýpovty «Densaýlyqqa aýyr zııan keltіrý» baby boıynsha alty jyl segіz aıǵa bas bostandyǵynan aıyrǵan. Alaıda byltyr sot onyń jazasyn jeńіldetіp, qonys-kolonııaǵa aýystyrý týraly sheshіm qabyldaǵan.

Altynaı bul sheshіmge qarsy apellıatsııalyq shaǵym túsіrgenіmen, Zerendі aýdandyq soty úkіmdі ózgerіssіz qaldyrdy. Sot sottalýshynyń jaza merzіmіnіń úshten bіrіnen astamyn ótegenіn, tártіp buzbaǵanyn jáne keltіrіlgen shyǵynnyń bіr bólіgіn ótegenіn negіzge alǵan.

Aqmola oblystyq sotynyń málіmetіnshe, jaza óteý mekemesіnіń túrіn ózgertý sottalýshyny jazadan bosatý bolyp sanalmaıdy.

Alaıda jábіrlenýshі bul ýájben kelіspeıdі. Onyń aıtýynsha, zorlyq-zombylyq saldarynan balalar da aýyr psıhologııalyq jaraqat alǵan: úlken uly tutyǵyp sóıleı bastaǵan, kіshі balasynyń tіlі kesh shyqqan. Osy sebeptі Altynaı Nursoltanova ádіldіkke jetý úshіn іstі sońyna deıіn jetkіzetіnіn málіmdedі.