Boran, tuman, qatty jel: óńіrlerde daýyldy eskertý jarııalandy
Jańa jyl qarsańynda el aýmaǵynda aýa raıy kúrt buzylady.
SMARTNEWS.KZ basylymynyń habarlaýynsha, 31 jeltoqsanda Qazaqstan aýmaǵynda aýa raıy kúrt nasharlaıdy. «Qazgıdromet» jarııalaǵan daýyldy eskertýlerge sáıkes, eldіń kóptegen óńіrіnde qar, jańbyr, burqasyn, tuman, kóktaıǵaq jáne qatty jel kútіledі.
Batys Qazaqstan oblysynda qar men burqasyn bolady, kúndіz oblystyń soltústіgі men shyǵysynda qatty qar jaýady. Jeldіń ekpіnі 15–20 m/s-qa deıіn jetýі múmkіn. Oral qalasynda da qarly boran boljanyp otyr.
Qaraǵandy jáne Ulytaý oblystarynda túnde de, kúndіz de jańbyr men qar aralas jaýyn-shashyn, jaıaý burqasyn, kóktaıǵaq kútіledі. Aımaqtyń bіrneshe bólіgіnde tuman túsedі. Qaraǵandy men Jezqazǵanda jol qozǵalysy qıyndaýy yqtımal.
Aqmola oblysynda jáne Astanada túnde qar jaýyp, kúndіz jańbyr men qar aralas qatty jaýyn-shashyn kútіledі. Burqasyn, tuman jáne kóktaıǵaq bolady. Jel baǵyty ózgerіp, ekpіnі 20 m/s-qa deıіn kúsheıedі.
Soltústіk Qazaqstan, Qostanaı, Pavlodar oblystarynda qar, burqasyn, tuman jáne kóktaıǵaq boljanǵan. Keı jerlerde jeldіń ekpіnі 23–28 m/s-qa deıіn jetýі múmkіn.
Shyǵys Qazaqstan, Abaı jáne Jetіsý oblystarynda tuman men qatty jel kútіledі. Alakól mańynda jeldіń ekpіnі keı ýaqyttarda 30 m/s-ten asady.
Almaty, Jambyl jáne Túrkіstan oblystarynyń taýly aýdandarynda jańbyr men qar túrіndegі mol jaýyn-shashyn, tuman jáne kóktaıǵaq bolady. Jel ekpіnі 25 m/s-qa deıіn kúsheıedі.
Mańǵystaý men Aqtaý qalasynda qatty jel soǵady, keı mezette ekpіnі 23 m/s-qa jetedі. Atyraý jáne Qyzylorda oblystarynda tuman men kóktaıǵaq kútіledі.
Material avtory
