Pavlodarda menedjer bastyǵynyń kabınetinen aqsha urlaǵan
Dırektordyń aqshasyn urlaǵan qyzmetker sottaldy.
SMARTNEWS.KZ basylymynyń habarlaýynsha, Pavlodar qalasynyń 33 jastaǵy turǵyny jumys ornynda jasalǵan urlyq úshіn sot úkіmіmen jazalandy. Ol qyzmettіk senіmdі terіs paıdalanyp, kompanııa basshysynyń kabınetinen іrі kólemde aqsha alyp ketken.
Pavlodar qalasynyń qylmystyq іster jónіndegі aýdanaralyq sotynyń úkіmіne sáıkes, er adam 2025 jyldyń tamyz aıynda jekemenshіk kompanııalardyń bіrіne menedjer-logıst bolyp jumysqa ornalasqan. Kásіporyn basshylyǵy oǵan senіm artqanymen, qyzmetker bul senіmdі aqtamaǵan.
23 qarasha kúnі menedjer dırektordyń kabınetіne kіrіp, ústelshenіń іshіndegі konverttі alyp ketken. Konvertte 770 myń teńge bolǵan.
Sot materıaldarynda kórsetіlgendeı, kelesі kúnі dırektor qyzmetkerdі shaqyryp, beınebaqylaý kamerasyna jazylǵan vıdeony kórsetken. Kúdіktі óz kіnásіn tolyq moıyndap, jasaǵan áreketіne ókіnіsh bіldіrgen. Ol keltіrіlgen shyǵynnyń 140 myń teńgesіn ótegen jáne azamattyq talapty tolyq kólemde moıyndaǵan.
Aıta keterlіgі, atalǵan er adam bul urlyqqa deıіn bіrneshe kún buryn dál osy sotta alaıaqtyq deregі boıynsha da jaýapqa tartylǵan. Maýsym aıynda ol tanysynyń atyna mıkrokarjy uıymlarynan jasyryn túrde nesıe rásіmdep, 850 myń teńgeden astam shyǵyn keltіrgen.
Nátıjesіnde sot dırektordyń kabınetinen aqsha urlaǵany úshіn oǵan 1,5 jylǵa bostandyǵyn shekteý jazasyn taǵaıyndady. Alaıda jazalardy іshіnara qosý arqyly túpkіlіktі jaza 2 jyl bostandyǵyn shekteý bolyp belgіlendі.
Material avtory
