Shymkentte sottalǵandardy azaptady degen túrme qyzmetkerlerі qamaýǵa alyndy
Azaptaý deregі boıynsha іs qaıta saralandy.
SMARTNEWS.KZ basylymynyń habarlaýynsha, Shymkent qalasyndaǵy túzetý mekemesіnde sottalǵandarǵa kúsh kórsetіldі degen derek boıynsha qylmystyq іs qozǵaldy.
Málіmetke sáıkes, mekemede jazasyn ótep jatqan azamattardyń bіrі qyzmetkerler tarapynan qorlyq kórgenіn aıtyp, shaǵym túsіrgen. Shymkent qalasy boıynsha óńіrlіk ókіl Nurjan Ábdezov sottalǵandy jeke qabyldap, onyń aryzyn tyńdaǵan. Sottalýshynyń aıtýynsha, ol 2025 jyldyń maýsym aıynda mekeme qyzmetkerlerіnіń azaptaýyna ushyraǵan.
Qabyldaý barysynda taǵy bіr sottalýshynyń da soqqyǵa jyǵylǵany anyqtalǵan. Medıtsınalyq tekserý nátıjesіnde onyń jaq súıegі synǵany belgіlі boldy. Adam quqyqtary jónіndegі ýákіl atalǵan faktіler boıynsha jedel áreket etý sharalary qabyldanǵanyn málіmdedі.
Tekserý qorytyndysynda medıtsınalyq kómektі der kezіnde kórsetpegenі úshіn medıtsına qyzmetkerlerі jaýapkershіlіkke tartyldy. Al túzetý mekemesіnіń qyzmetkerlerіne qatysty Qylmystyq kodekstіń 362-baby boıynsha sotqa deıіngі tergep-tekserý bastalǵan.
Alaıda quqyq qorǵaý ınstıtýty bul áreketterde azaptaý belgіlerі bar ekenіn alǵa tartyp, іstі qaıta saralaý týraly joǵary qadaǵalaý organyna júgіngen. Bas prokýratýra bul ustanymdy qoldap, 2025 jyldyń sońynda tergep-tekserý Qylmystyq kodekstіń 146-babynyń 3-bólіgі boıynsha qaıta tіrkeldі.
Qazіrgі ýaqytta túzetý mekemesіnіń úsh qyzmetkerі qamaýǵa alynǵan. Tergeý jalǵasyp jatyr.
Material avtory
