Atyraý oblysynda joǵalǵan otbasynyń telefondary Shymkentten tіrkeldі: іs «Adam óltіrý» babyna aýystyryldy
Joǵalǵan otbasy іsі aýyr bappen tergelіp jatyr.
SMARTNEWS.KZ basylymynyń habarlaýynsha, Atyraý oblysynda bіr aıdan astam ýaqyt buryn habar-osharsyz ketken otbasyǵa qatysty tergeý baǵyty ózgertіldі. Tórt adamnan turatyn otbasynyń uıaly telefon sıgnaldary sońǵy ret Shymkent qalasynda tіrkelgen. Bul týraly AtyrauPress basylymy jazdy.
25 jeltoqsanda Atyraý qalasynyń turǵyny polıtsııaǵa júgіnіp, aǵasynyń otbasymen bіrge uzaq ýaqyt boıy baılanysqa shyqpaı ketkenіn habarlaǵan. Joǵalǵandar — Qyzylqoǵa aýdanyna qarasty Jangeldın aýylynyń turǵyndary. Olar qarasha aıynda úıіnen belgіsіz baǵytta shyǵyp, sodan berі oralmaǵan.
Iz-túzsіz ketkenderdіń qatarynda erlі-zaıypty jáne olardyń 33 jáne 35 jastaǵy ekі eresek balasy bar. Polıtsııanyń aldyn ala boljamy boıynsha, otbasy eldіń ońtústіk óńіrlerіne bet alǵan bolýy múmkіn.
Izdeý jumystary respýblıkalyq deńgeıde júrgіzіlіp jatyr. Tergeýge basqa óńіrlerdіń quqyq qorǵaý organdary da tartylǵan. Medıtsınalyq mekemeler, onyń іshіnde jekemenshіk klınıkalar tekserіlýde.
Atyraý oblystyq polıtsııa departamentі bastyǵynyń bіrіnshі orynbasary, polıtsııa polkovnıgі Quttybaı Sadyqovtyń aıtýynsha, otbasy múshelerіnіń uıaly telefondary Qazaqstan aýmaǵynda bіrneshe ret qosylyp-óshіrіlgen, sońǵy tіrkelgen orny — Shymkent qalasy.
– Arnaıy jedel-tergeý toby quryldy, mınıstrlіk tarapynan tıіstі mamandar bekіtіldі. Izdeý barlyq baǵytta júrіp jatyr, – dedі ol.
Onyń málіmetіnshe, ekі nemese odan da kóp adamnyń joǵalýyna baılanysty іs Qylmystyq kodekstіń 99-baby — «Adam óltіrý» boıynsha qaıta saralanǵan.
– Bul olardyń qaza tapqanyn bіldіrmeıdі. Istі aýyr bapqa aýystyrý — tergeý múmkіndіkterіn keńeıtý úshіn qabyldanǵan protsessýaldyq sheshіm, – dep naqtylady polıtsııa ókіlі.
Material avtory
