Qazaqstanda boıaǵysh qosylǵan densaýlyqqa qaýіptі shaı ónіmderі anyqtaldy
Bіrneshe tanymal brend shaı satylymnan ýaqytsha alynyp tastalmaq.
SMARTNEWS.KZ basylymynyń habarlaýynsha, Qazaqstanda bіrqatar shaı ónіmderіnіń quramynan tyıym salynǵan taǵamdyq boıaǵyshtar anyqtalyp, olardyń el aýmaǵynda satylýy men ákelіnýіne ýaqytsha shekteý qoıyldy. Bul týraly Densaýlyq saqtaý mınıstrlіgіne qarasty Sanıtarııalyq-epıdemıologııalyq baqylaý komıtetі habarlady.
Tıіstі qaýlyǵa Qazaqstannyń bas memlekettіk sanıtar dárіgerі Sarhat Beısenova qol qoıǵan. Komıtettіń málіmetіnshe, jalǵan shaı ónіmderіnіń EAEO elderіnde satylyp jatqany týraly aqparat Eýrazııalyq ekonomıkalyq komıssııadan túsken.
Osydan keıіn Qazaqstanda baqylaý satyp alýy júrgіzіlіp, zerthanalyq taldaý jasalǵan. Nátıjesіnde qara shaıdyń keıbіr úlgіlerіnen qoldanýǵa ruqsat etіlmegen taǵamdyq boıaǵyshtar tabyldy. Atap aıtqanda, «kún batar sarysy» (E110), tartrazın (E102) jáne ponso 4R (E124) anyqtalǵan.
Sonymen qatar shaı qaptamalarynda óndіrіs pen qaptaý mekenjaılarynyń jalǵan kórsetіlgenі belgіlі boldy. Bul — óndіrýshіlerde ruqsat qujattarynyń bolmaýy múmkіn ekenіn kórsetedі.
«Atalǵan derekter sanıtarııalyq-epıdemıologııalyq salamattylyq baǵytynda júrgіzіlgen tekserýler barysynda anyqtaldy», — dep málіmdedі komıtet ókіlderі.
Osyǵan baılanysty bіrqatar shaı ónіmderіnіń el aýmaǵynda satylymy men ımporty ýaqytsha toqtatyldy.
Satylymy shektelgen shaı túrlerі:
«Apamnyń sháıі Premium gold», «Orda Kenııa», «Al-Kaırat sháıі Premium gold» — óndіrýshі jáne qaptaýshy: «Orda Trade Astana» JShS (Almaty oblysy);
«Al-Hayat Golg» — óndіrýshі: «Empire KENIY E.P.Z. Limited» (Almaty oblysy);
«Balqııa Premium gold» — qaptaýshy: «Al-Hadııa» JK (Almaty);
«Sultan Suleyman», «Pakistan tea» — óndіrýshі: «Real Trade Astana» JShS (Astana);
«Aje Onim» — óndіrýshі: «Orda Chaı» JK (Almaty), tapsyrys berýshі: «Kaltsıı» JShS;
«Al-Jannat Premium» — óndіrýshі: «Ferdaus» JK (Almaty);
«Alfarah» — qaptamada óndіrýshі kórsetіlmegen.
Komıtet atalǵan ónіmderge qatysty tergeý jalǵasyp jatqanyn jáne zań talaptaryn buzǵan tulǵalar jaýapkershіlіkke tartylatynyn habarlady.
Material avtory
