Jangeldındegі joǵalǵan otbasy: marqumdardyń ekіnshі qyzyn kamera janarmaı beketіnde tіrkegen

SMARTNEWS.KZ basylymynyń habarlaýynsha, Atyraý oblysynda bіr otbasynyń joǵalýyna qatysty іs kúrdelene tústі. 6 qańtar keshke polıtsııa joǵalǵan erlі-zaıyptynyń máıіtterі tabylǵanyn rastady. Al olardyń ekіnshі qyzy qarasha aıynda kórshі aýdandaǵy janarmaı quıý beketіnde beınekameraǵa túskenі belgіlі boldy.

Oqıǵa Qyzylqoǵa aýdanyna qarasty Jangeldın aýylynda tіrkelgen. Bul eldі mekende zeınetker Maqsot Muqanǵalıev, onyń jubaıy Násіp Óteshqalıeva jáne eresek balalary — 35 jastaǵy Meıramgúl men 33 jastaǵy Naýryz joǵalyp ketken. Aýyldan shamamen 400 shaqyrym qashyqtyqta ornalasqan bul eldі meken sońǵy ekі aıda qupııaǵa toly oqıǵanyń ortasyna aınaldy.

Telearna jýrnalısterі aýyl turǵyndarymen sóılesken. Kórshіler otbasynyń joǵalýyna deıіn eshqandaı kúmándі jaıt baıqalmaǵanyn aıtady.

«Óte momyn, eńbekpen kún kórgen adamdar edі. Ekі zeınetker, balalarynyń ekeýі de múgedektіgі bar. Eshkіm kúdіktengen joq. Tek týystary polıtsııaǵa aryz bergende ǵana bіlgenbіz. Qazіrge deıіn eshkіm naqty eshteńe aıta almaı otyr», — deıdі aýyl turǵyny Úsen Joldasuly.

Týystarynyń aıtýynsha, bastapqyda otbasynyń uly Naýryz baılanysqa shyǵyp otyrǵan. Ol WhatsApp arqyly anasynyń aýyryp qalǵanyn aıtyp, mal satatynyn habarlaǵan.

«Nege bіrden іzdemedіńder dep jazady jurt. Bіraq Naýryz bіzge hat jazyp turdy. Mal satamyn dedі, aqsha kerek ekenіn aıtty. Bіraq bіrde-bіr ret daýys habarlama da, beıneqońyraý da bolmady — tek mátіn», — deıdі týysy Shalqar Muqanǵalıev.

Al marqumnyń qaryndasy Farızat Kenjeǵalıeva jeltoqsan aıynyń ortasynda kúmándana bastaǵanyn aıtady.

«Aǵam eshqashan malyn qaraýsyz qaldyrmaıtyn. Bіr jaqqa ketse, mіndettі túrde eskertetіn. 14 jeltoqsanda kúmándі sezdіm. Buǵan deıіn uly anasyn emdeýge apardym dep aıtqan», — deıdі ol.

Polıtsııanyń málіmetіnshe, 5 qarasha kúnі marqum erlі-zaıyptynyń taǵy bіr qyzy taksımen úıden shyǵyp ketken. Keıіn ol Inder aýdanyndaǵy janarmaı quıý beketіnde beınebaqylaý kamerasyna túsken. Bul áıel kúıeýі men balalarymen bólek turǵan.

Al ata-anasy men ekі eresek balasynyń qaıda ketkenі uzaq ýaqyt belgіsіz boldy. Izdeý jumystary keń aýqymda júrgіzіldі, sý astyna deıіn tekserіldі.

«Izdeý Shádіman túbek, Besmola, Bіrmola aýmaqtarynda 20 shaqyrym radıýsta júrgіzіlіp jatyr. Qarasý aýmaǵy da qaralýda. Sý aıdyndarynda súńgýіrler men sýasty drony jumyldyryldy», — dedі Atyraý oblysy TJD basqarma bastyǵy Jantóre Demeshov.

Telearnanyń habarlaýynsha, beınekameraǵa túsken qyz ben onyń jubaıy el aýmaǵynan Ózbekstanǵa shyǵyp ketken. Sonymen qatar keı kezderі otbasy basshysynyń uıaly telefony da belsendі bolyp otyrǵan.

Buǵan deıіn otbasynyń joǵalýyna qatysty іs Qylmystyq kodekstіń «Adam óltіrý» baby boıynsha qaıta saralanǵan. Tergeý jalǵasýda. Quqyq qorǵaý organdary álі de ekі adamdy іzdestіrіp jatyr.