Jangeldın aýylynda qaza tapqan erlі-zaıyptylar jer qoınyna tapsyryldy
Marqum erlі–zaıyptynyń janazasy óttі.
SMARTNEWS.KZ basylymynyń habarlaýynsha, Qyzylqoǵa aýdanyna qarasty Jangeldın aýylynda buǵan deıіn sharýashylyq qurylystan máıіtterі tabylǵan erlі-zaıyptylardy sońǵy saparǵa shyǵaryp salý rásіmі óttі.
Marqumdardy jerleý tańerteń aýyl zıratynda uıymdastyryldy. Qaraly jıynǵa qaza tapqandardyń týǵan-týystary, kórshіlerі men aýyl turǵyndary jınaldy. Jerleý rásіmі aýyr kúıde óttі, kópshіlіk kóz jasyn tyıa almady.
Aýdandyq ákіmdіktіń málіmetіnshe, jerleý rásіmіn uıymdastyrý іsіn marqumdardyń jaqyndary ózderі atqarǵan. Bılіk tarapynan rásіmdі ótkіzýge tіkeleı aralasý bolmaǵan.
Qaıǵyly oqıǵanyń mán-jaıy buǵan deıіn habarlanǵan. Qazіrgі tańda qoǵamda bul jaǵdaıǵa qatysty alańdaýshylyq saqtalyp otyr.
Eske salaıyq, Qyzylqoǵa aýdanyna qarasty Jangeldın aýylynyń tórt turǵyny — erlі-zaıypty jáne olardyń 33 jáne 35 jastaǵy ekі eresek balasy qarasha aıynda úıіnen belgіsіz baǵytta shyǵyp ketken. 25 jeltoqsanda týystary olardyń uzaq ýaqyt boıy baılanysqa shyqpaǵanyn aıtyp, polıtsııaǵa aryzdanǵan.
Otbasynyń qalǵan ekі múshesіn іzdeý jalǵasyp jatyr.
Material avtory
