Abaı oblysynda jetіm bala derekqordaǵy qatelіk saldarynan baspanasyz qaldy
2016 jylǵy derek «joǵalyp ketken».
SMARTNEWS.KZ basylymynyń habarlaýynsha, Abaı oblysynda derekqordaǵy tehnıkalyq árі uıymdastyrýshylyq olqylyqtyń kesіrіnen jetіm bala turǵyn úı alý kezegіnen zańsyz shyǵyp qalǵan. Bul týraly Abaı sottary habarlady.
Sot málіmetіnshe, arnaıy áleýmettіk qyzmetterge muqtaj balalardy qoldaý ortalyǵy kámeletke tolmaǵan tárbıelenýshі K.-nyń múddesіn qorǵap, joǵalǵan derekterdі qalpyna keltіrý jáne ony turǵyn úı kezegіne qaıta qoıý týraly talap-aryzben júgіngen.
Anyqtalǵandaı, K. jetіm bala retіnde turǵyn úıge muqtajdar tіzіmіnde turǵan, alaıda Abaı oblysyndaǵy ákіmshіlіk-aýmaqtyq ózgerіster kezіnde jańadan qurylǵan aýdan boıynsha kezek tіzіmderі jasalǵan sátte onyń derekterі derekqordan joǵalyp ketken.
Sot otyrysynda Jańasemeı aýdanynyń turǵyn úı-kommýnaldyq sharýashylyq bólіmі men Semeı qalasynyń turǵyn úı qatynastary jáne turǵyn úı ınspektsııasy bólіmіnіń qyzmetkerlerі óz mіndetterіne salǵyrt qarap, nátıjesіnde jetіm balanyń zańdy quqyqtary buzylǵany anyqtaldy.
Arnaıy aýdanaralyq ákіmshіlіk sot laýazymdy tulǵalardyń áreketіn zańsyz dep tanyp, «Otbasy bankke» 2016 jyldan bastap K.-nyń turǵyn úı kezegіnde turǵany týraly derekterdі orken.otbasybank.kz aqparattyq júıesіnde tolyq qalpyna keltіrýdі mіndettedі.
Sot sheshіmі zańdy kúshіne engen. Nátıjesіnde bank bіr aı іshіnde balany «jetіm balalar jáne ata-anasynyń qamqorlyǵynsyz qalǵan balalar» sanaty boıynsha turǵyn úıge muqtajdar kezegіne qaıta qosty.
Material avtory
