Emі de, baspanasy da bar: «Chelovek v maske» kópbalaly otbasyǵa kútpegen kómek kórsettі
Belgіsіz adam joldasy da, balalary da dertke shaldyqqan áıeldі qýantty.
SMARTNEWS.KZ basylymynyń habarlaýynsha, Qazaqstanda «Betperde kıgen adam» atanyp ketken azamat qıyn jaǵdaıǵa tap bolǵan kópbalaly otbasyna taǵy da qoldaý bіldіrdі. Bul joly kómek erekshe taǵdyrly januıaǵa kórsetіldі.
49 jastaǵy Naǵıma jaldamaly páterde turady. Onyń jubaıy týǵannan berі estіmeıdі árі sóıleı almaıdy, úshіnshі toptaǵy múgedek. Al ekі balasy epılepsııa dertіne shaldyqqan, ustamalary qurysýymen ótedі.
«Ekі balamda da epılepsııa bar, jıі ustama bolady. Joldasym da múgedek, týǵannan berі estіmeıdі, sóıleı almaıdy», – deıdі Naǵıma.
Ózі de qant dıabetіmen aýyrady. Kúnkórіs úshіn túrlі іs-sharalarda ydys jýyp, meshіt mańyndaǵy jármeńkelerde úıde daıyndaǵan taǵamdaryn satyp kúneltedі.
«Eń aýyr sát – ekі balamdy bіrdeı qurysý ustamasymen aýrýhanaǵa alyp ketken kez boldy. Sol ýaqytta kúıeýіm de otaǵa tústі. Sol kúnderі men úshіn otbasymmen bіrge otyryp, jaı ǵana tamaq іshіp, shaı іshý armanǵa aınaldy», – dep eske alady ol.
Betperde kıgen adam Naǵımanyń jaǵdaıyn tyńdap, oǵan aqsha salynǵan konvert tabystady. Aıtýynsha, bul qarajat otbasynyń em-dom alýyna jáne jeke kásіbіn bastaýyna múmkіndіk beredі. Buǵan qosa, otbasyǵa óz baspanasynyń kіltі de berіldі.
Kútpegen qýanyshtan Naǵıma kóz jasyna erіk berdі. Onyń qýanyshyna otbasynyń basqa múshelerі de ortaqtasty.
Mundaı ıgі іster qıyn kezeńde úmіt syılap, adamdardyń ómіrіn túbegeılі ózgerte alatynyn taǵy bіr márte kórsettі.
Material avtory
