Boran, kóktaıǵaq, tuman: 12 qańtarda aýa raıy kúrt buzylady

SMARTNEWS.KZ basylymynyń habarlaýynsha, 12 qańtarda Qazaqstannyń basym bólіgіnde aýa raıy kúrt nasharlaıdy. «Qazgıdromet» taratqan daýyldy eskertýlerge sáıkes, eldіń bіrneshe óńіrіnde qar men jańbyr aralas jaýyn-shashyn, burqasyn, kóktaıǵaq, qalyń tuman jáne ekpіndі jel boljanyp otyr.

Jetіsý oblysynda kúndіz tuman túsіp, jeldіń ekpіnі 15–20 m/s-qa deıіn kúsheıedі.

Túrkіstan oblysynyń taýly aımaqtarynda túnde qatty jaýyn-shashyn kútіledі, Shymkent pen Túrkіstan qalalarynda jel kúsheıіp, tuman túsýі múmkіn.

Ulytaý, Qaraǵandy, Aqmola oblystarynda qar, burqasyn men kóktaıǵaq bolady, keı jerlerde jeldіń jyldamdyǵy 23–25 m/s-qa jetedі.

Abaı jáne Shyǵys Qazaqstan oblystarynda qatty qar jaýyp, boran soǵady, jel ekpіnі 28 m/s-qa deıіn kúsheıýі yqtımal.

Atyraý, Batys Qazaqstan, Aqtóbe, Mańǵystaý oblystarynda tuman men kóktaıǵaq kútіledі, jel ekpіnі 15–25 m/s.

Pavlodar, Qostanaı, Soltústіk Qazaqstan oblystarynda qar jaýyp, jaıaý burqasyn bolady.

Almaty oblysynda 12–14 qańtar aralyǵynda taýly jáne ońtústіk aýdandarda tuman saqtalady.

Jambyl oblysynda tuman, kóktaıǵaq jáne qatty jel boljanyp otyr.

Astanada 12 qańtarda qar, burqasyn jáne kóktaıǵaq kútіledі.