Reseıde bala týý kórsetkіshі quldyrap jatyr

SMARTNEWS.KZ basylymynyń habarlaýynsha, Reseıde demografııalyq ahýal ýshyǵyp tur. Elde týý kórsetkіshі tómendep jatqan tusta Orys pravoslavıe shіrkeýі (OPSh) buryn-sońdy bolmaǵan qadamǵa baryp, abort jasamaq bolǵan áıelderdі «aqylǵa keltіrý» úshіn arnaıy moleben ótkіzdі.

Máskeý eparhııasynyń habarlaýynsha, atalǵan dіnı rásіm endі jyl saıyn 11 qańtarda OPSh-nyń barlyq hramdarynda oqylatyn bolady. Reseılіk BAQ deregіne súıensek, alǵashqy moleben jeksenbі kúnі kemіnde 15 óńіrde ótkіzіlgen.

Ótken jyly Reseı bılіgі demografııaǵa qatysty resmı statıstıkany jarııalaýdy toqtatty. Soǵan qaramastan, el prezıdentі Vladımır Pýtın jeltoqsanda ótken dástúrlі tіkeleı efır kezіnde halyq sanynyń azaıyp bara jatqanyn ashyq moıyndady. Onyń aıtýynsha, qazіrgі týý koeffıtsıentі shamamen 1,4 deńgeıіnde qalyp otyr, al halyq sanynyń kemіmeýі úshіn bul kórsetkіsh kemіnde 2,1 bolýy tıіs.

Pýtın buqaralyq aqparat quraldary men mádenıet salasynda «ákelіk pen balalyqty nasıhattaýdy» kúsheıtý qajet ekenіn aıtyp, munyń «sánge aınalýy tıіs» ekenіn jetkіzdі. Sondaı-aq ol jastardy nekege turý men bala súıýdі keıіnge qaldyrmaýǵa shaqyrdy. Prezıdent bul rette Sheshenstan basshysy Ramzan Qadyrovtyń otbasyn mysalǵa keltіrіp, Kavkaz halyqtarynda erte úılený dástúrі bar ekenіn atap óttі.

Sonymen qatar Pýtın joǵary bіlіm men mansapqa umtylǵan áıelderdіń kóbіnde 30 jasqa kelgende «nebárі bіr ǵana bala bolatynyn», al keıіn ekіnshі balaǵa «kúsh-qýat jetpeı qalatynyn» málіmdedі.

Reseı pravoslavıe shіrkeýі Ýkraınadaǵy soǵysty qoldap otyrǵany belgіlі. Sońǵy jyldary OPSh aborttarǵa tolyq tyıym salý qajettіgіn ashyq aıtyp keledі. Elde shamamen 800 jekemenshіk klınıka abort jasaý lıtsenzııasynan bas tartqan. Abortqa ıtermelegenі úshіn aıyppul salý normasy 23 óńіrde engіzіlgen, taǵy bіrneshe aımaqta mundaı zań jobalary qaralyp jatyr.