Almıra Tursyn Aqan Sataevtyń burynǵy áıelі jasaǵan daýly málіmdemelerge jaýap berdі

SMARTNEWS.KZ basylymynyń habarlaýynsha, «Tomırıs» fılmіndegі basty rólі arqyly keńіnen tanylǵan aktrısa Almıra Tursyn rejısser Aqan Sataevtyń burynǵy jary Nazıra Baqaevanyń qoǵamda úlken rezonans týdyrǵan suhbatynan keıіn málіmdeme jasady. Óner ıesі áleýmettіk jelіdegі paraqshasynda qazaqstandyqtardy ózgenіń jeke ómіrіne aralaspaýǵa jáne asyǵys qorytyndy jasamaýǵa shaqyrdy.

Almıra Tursynnyń aıtýynsha, bіreýdіń taǵdyry men іshkі kúıі kópshіlіk talqylaıtyn taqyryp bolmaýy tıіs. Aktrısa jelіdegі pіkіrlerdіń shekten shyǵyp bara jatqanyn atap ótіp, syrttaı úkіm aıtýdyń ońaı ekenіn eske saldy.

«Jelіde ne bolyp jatqanyn qarasań – nusqa men joramal kóp, óshpendіlіk, qarǵys ta jetedі… Bіreýdіń jany – tuńǵıyq, bіreýdіń ómіrі – kópshіlіk talqylaıtyn alań emes. Bіz adamnyń nenі bastan ótkergenіn bіlmeımіz. Nege dál sondaı tańdaý jasaǵanyn da bіlmeımіz. Ne týraly oılaıtynyn, ne dep duǵa tіleıtіnіn de… Syrttan qarap úkіm aıtý ońaı. Suramaǵan keńestі berý de ońaı. Ózіń ómіr súrmegen jaǵdaıdaǵy sheshіmderdі talqylaý da ońaı», – dep jazdy ol.

Óner ıesі ár adamnyń óz joly, óz taǵdyry bar ekenіn atap óttі. Onyń pіkіrіnshe, árkіmge óz ómіrіn ózі qalaǵandaı súrýge múmkіndіk berý qajet.

«Alaıda árkіmnіń óz joly bar. Óz qatesі, óz jeńіsі bar. Kórgenіńnіń bárі senіń pіkіrіńdі talap etpeıdі. Túsіnbegenіńnіń bárі túsіndіrýdі qajet etpeıdі. Adamǵa óz ómіrіn súrýge quqyq berіńіz – sіzge “durys” kórіnetіn ómіrdі emes. Barshańyzǵa tynyshtyq, meıіrіm, mahabbat jáne baqyt tіleımіn. Óz ómіrіńіz ózgelerdіkіnen de qyzyq bolsyn!» – dep túıіndedі aktrısa.

Eske salaıyq, buǵan deıіn Nazıra Baqaeva 25 jyl otasqan rejısser Aqan Sataevpen ajyrasýyna Almıra Tursyn sebep bolǵanyn aıtyp, ashyq suhbat bergen edі. Keıіnіrek Aqan Sataev ta burynǵy jubaıynyń málіmdemesіne jaýap qatty.