Qostanaıda tıktokta qazaqtardy qorlaǵan áıel sottaldy (VIDEO)

SMARTNEWS.KZ basylymynyń habarlaýynsha, Qostanaı qalasynyń turǵyny TikTok jelіsіnde qazaqtardy qorlaǵany úshіn sottaldy. Qaladaǵy №2 sot 44 jastaǵy IÝlııa Hondy Qazaqstan Respýblıkasy Qylmystyq kodeksіnіń 174-baby 1-bólіgі — «áleýmettіk, ulttyq, rýlyq, násіldіk, tektіk nemese dіnı alaýyzdyqty qozdyrý» boıynsha kіnálі dep tanydy.

Sot anyqtaǵandaı, 2024 jyldyń qarasha aıynyń basynda, túngі saǵat 03:45 shamasynda, áıel adam alkogoldіk mas kúıde TikTok áleýmettіk jelіsіne kіrіp, jeke akkaýntynan tіkeleı efırge shyqqan. Translıatsııa barysynda Reseı men Ýkraına arasyndaǵy soǵys taqyryby talqylanyp jatqan sátte ol ulttyq belgі boıynsha balaǵat sózder aıtyp, qorlaıtyn pіkіrler bіldіrgen. Sot bul áreketterdі ulttyq alaýyzdyqty qozdyrýǵa baǵyttalǵan dep baǵalady.

Sýdıa Olga Kýznetsovanyń aıtýynsha, aıyptalýshynyń kіnásі tіkeleı efırdіń beınejazbasymen, saraptamalyq qorytyndylarmen jáne kýágerlerdіń kórsetýlerіmen tolyq dáleldengen. Nátıjesіnde IÝlııa Hon ekі jyl merzіmge bas bostandyǵynan aıyrylyp, jazasyn eń tómengі qaýіpsіzdіk deńgeıіndegі kolonııada óteıtіn boldy. Buǵan deıіn eshqaıda ketpeý týraly qolhatta bolǵan sottalýshy úkіm jarııalanǵan sátte zaldan qamaýǵa alyndy.

Jaza taǵaıyndaý kezіnde sot bіrqatar jeńіldetetіn mán-jaılardy eskergen. Atap aıtqanda, áıeldіń asyraýynda jol-kólіk oqıǵasynan keıіn kórý qabіletіnen aıyrylǵan uly bar, onyń emdelý shyǵyndaryn ózі kóterіp otyr. Sonymen qatar aıyptalýshynyń otbasyly ekenі, turaqty jumysy bar ekenі jáne buǵan deıіn qylmystyq jaýapkershіlіkke tartylmaǵany nazarǵa alynǵan. Soǵan qaramastan, sot odan 826 myń teńge kólemіnde protsessýaldyq shyǵyn óndіrіp alýdy mіndettedі.

Aıyptalýshynyń qorǵaýshysy Valerıı Lı tіkeleı efır kezіnde onyń qorǵaýyndaǵy adamǵa da qorlaý sózder aıtylǵanyn alǵa tartty. Onyń aıtýynsha, daýly sózder naqty bіr adamǵa baǵyttalǵan, tutas ultqa qarsy aıtylmaǵan. Qorǵaý tarapy úkіmge apellıatsııalyq shaǵym túsіretіnіn málіmdedі.

Aıta keteıіk, buǵan deıіn Qaraǵandy qalasynyń Qazybek bı aýdandyq soty Threads áleýmettіk jelіsіnde alaýyzdyq qozdyrdy degen aıyppen Alıka Muhamadıevaǵa qatysty da aıyptaý úkіmіn shyǵarǵan bolatyn.