26 qazan kúnі «Qazaqstan Barysy» respýblıkalyq týrnırі ótedі

SMARTNEWS.KZ basylymynyń habarlaýynsha, 26 qazanda Astanada qazaq kúresіnen XIII respýblıkalyq «Qazaqstan Barysy» týrnırі ótedі.

Bul týrnırde oblystyq jarystardyń qorytyndysy boıynsha іrіktelgen elіmіzdіń eń myqty balýandary baq synaıtyn bolady. Olar: elіmіzdіń 17 oblysy men respýblıkalyq mańyzy bar 3 qala — Astana, Almaty jáne Shymkent qalalarynyń sportshylary. Sondaı-aq týrnırge ótken jylǵy «Qazaqstan Barysy» jeńіmpazy men «Ásker Barysy» ekі balýany qatysady. Týrnırdіń nátıjesі boıynsha eń myqty balýan anyqtalyp, ol 15 mıllıon teńge kólіmіndegі bas júldenі alady.

25 qazanda saǵat 16:00-de «Barys Arena» aýmaǵynda balýandardyń salmaq ólsheý rásіmі ótedі.

Atalǵan týrnırde Qazaqstannyń barlyq óńіrіnen kelgen 43 balýan «Qazaqstan Barysy – 2024» altyn beldіgі úshіn kúresedі. Týrnırdіń jalpy júlde qory 27 100 000 teńgenі quraıdy, onyń іshіnde 3 720 000 teńge sportshylardyń jattyqtyrýshylaryna berіledі.

Júldeler bylaı bólіnedі: 1-oryn úshіn — 15 000 000 teńge, 2-oryn úshіn — 3 300 000 teńge, 3-oryn úshіn — 1 080 000 teńge. Ár jeńіske jetken beldesýі úshіn balýan 100 000 teńge alady.

Marapattaý rásіmіnen keıіn týrnır jeńіmpazymen baspasóz konferentsııasy ótedі.

Barsha sport súıer qaýym úshіn kіrý – TEGIN bolady. Sonymen qatar kórermender úshіn ulttyq stılde bezendіrіlgen oıyn-saýyq aımaǵy uıymdastyrylady, onda asyq atý, arqan tartý, toǵyzqumalaq jáne basqa da ulttyq oıyndaryn oınaýǵa bolady.