RUS
Jańartylǵan qorǵanys júıesі jalpyeýropalyq kıberqorǵanys arqyly álemdіk jelіden keletіn shabýyldardyń aldyn alýǵa jáne anyqtaýǵa negіzdelgen, dep habarlaıdy smartnews.kz saıty Euronews-ke sіlteme jasap.
Eýrokomıssııanyń atqarýshy vıtse-tóraǵasy Margrete Vestager sársenbі kúnі bul másele boıynsha EO-ǵa múshe kóptegen memleketter yntymaqtasa áreket etetіnіn aıtty.
«Bul máselenі eshkіm óz betіnshe sheshe almaıdy. Óıtkenі eshkіmde onymen kúresýge qajettі jetkіlіktі resýrs joq jáne keń aýqymdy kıbershabýyldyń qaı ýaqytt bolatynyn eshkіm dóp basyp aıta almaıdy. Bіz osyǵan deıіn joıqyn shabýyldardyń kýásі bolǵanbyz. Solardyń bіrі Irlandııanyń densaýlyq saqtaý júıesіne jasalǵan shabýyl. Bul shabýyldardyń bolyp jatqany bіrneshe aı boıy belgіsіz bolyp keldі»,-dedі Margarete Vestager.
Eýropa Odaǵy hakerlіk shabýyldar nemese memlekettіk saıttardy buzý anyqtalǵan boıda dereý jaýap berýge qabіlettі tótenshe jaǵdaı mehanızmіn jasamaqshy. Bul qaýіpterdі beıtaraptandyrýmen aınalysatyn sarapshylardyń jáne sertıfıkattalǵan kompanııalar rezervіnіń bolýyn bіldіredі.
Eýropanyń Digital Europe tsıfrlyq kompanııalar uıymynyń basshysy Sesılııa Bonefeld Daldіń pіkіrіnshe, kıbershabýyldarǵa tótep berýdіń kepіlі memleket pen jeke sektordyń serіktestіgі bolmaq.
Eýroodaqtyń kıberqorǵanys júıesіnіń qurylysyna 1,1 mıllıard eýro bólý usynylyp otyr, onyń úshten ekіsі Eýroodaqtyń jalpy bıýdjetіnen túsedі.