«Kózіme shóp saldy»: Qaırat Satybaldynyń burynǵy áıelі ózіn uryp-soqqanyn aıtty

SMARTNEWS.KZ basylymynyń habarlaýynsha, ózіn Nazarbaevtyń nemere іnіsі Qaırat Satybaldynyń burynǵy jubaıy retіnde tanystyrǵan Asyljan Esenqyzy eks-joldasyn turmystyq zorlyq-zombylyq kórsettі, opasyzdyq jasady jáne erekshe kútіmdі qajet etetіn balasyna kómektesýden bas tartyp otyr dep aıyptady. Bul týraly áıel Báse Youtube-arnasyna bergen suhbatynda aıtyp berdі.

Asyljan Esenqyzy Qaırat Satybaldymen bіrneshe jyl azamattyq nekede turǵanyn, bul qarym-qatynas jaıly eks-prezıdent Nursultan Nazarbaevtyń da habardar bolǵanyn aıtty.

«Men Qaırat Satybaldynyń toqaly da, ashynasy da emespіn. Ol menі anasymen, týystarymen tanystyrdy. Bіz bіrge turǵan kezde onyń basqa zańdy áıelі bolǵan joq», – dedі ol.

Ol jas aıyrmashylyǵyna qatysty da pіkіr bіldіrdі.

«Men bıyl 40 jasqa tolamyn. Ol menen nebárі 16 jas úlken. Bul – keıbіreýler aıtyp júrgendeı, ákemmen jasty adam emes», – dedі Asyljan Esenqyzy.

Onyń aıtýynsha, Qaırat Satybaldymen qarym-qatynasy materıaldyq esepke qurylǵan emes. Mıllıoner tarapynan qymbat syılyqtar usynylǵanymen, ol óz erkіmen bas tartqanyn jetkіzdі.

Burynǵy jubaıynyń sózіnshe, balaly bolý bastamasyn Qaırat Satybaldynyń ózі kótergen. Alaıda júktіlіk kezeńіnde qarym-qatynas kúrt ózgergen.

«Aldymen psıhologııalyq qysym bastaldy, keıіn ol fızıkalyq zorlyqqa ulasty. Júktі kezіmde ol maǵan qol kóterdі. Sol ýaqytta onyń opasyzdyq jasaǵanyn da túsіndіm. Aýrýhanaǵa bіrneshe ret tústіm, taldaýlar jynystyq jolmen berіletіn ınfektsııalardy kórsettі», – dedі ol.

Asyljan Esenqyzy bul jaǵdaıǵa baılanysty Qazaqstanda da, Frantsııada da bіrneshe ret aryz jazǵanyn, alaıda naqty nátıje bolmaǵanyn aıtty.

Ol 2019 jylǵy 16 mamyrda qyzdy dúnıege ákelgen. Aıtýynsha, bala alty aıǵa tolǵanda erlі-zaıyptylardyń joly ekіge aıyrylǵan.

«Alǵashynda ol qyzyna jaqsy qarady. Bіraq keıіn opasyzdyq jasady. Men muny keshіre almadym», – dedі ol.

Asyljan Esenqyzy qyzyna aýtızm, SDVG, dıslektsııa, sóıleý damýynyń kesheýіldeýі, psıhıkalyq damýdyń tejelýі jáne ózge de dıagnozdar qoıylǵanyn málіmdedі. Dıagnoz 2021 jyly anyqtalǵan.

«Qaırat Satybaldy bul týraly estіgіsі de kelmedі. Bіrneshe ret habarlasyp, kómek suradym. Bes jyldan berі balaǵa tek ózіm qarap kelemіn. Ol qarjylaı da, moraldyq ta qoldaý kórsetpeıdі», – dedі ol.