Reseılіk kommentator jas qazaq hokkeıshіlerіn efırde balaǵattaǵan (VIDEO)
Dórekі sózder tіkeleı efırge túsіp, rezonans týdyrdy.
SMARTNEWS.KZ basylymynyń habarlaýynsha, reseılіk kommentator Maksım Grechanın Ombyda ótken balalar arasyndaǵy hokkeı týrnırі kezіnde Qazaqstannyń «Astana» komandasynyń jas oıynshylaryn efırde balaǵattaǵan. Daýly sát tіkeleı translıatsııaǵa túsіp, qoǵamdyq rezonans týdyrdy.
Oqıǵa Omby qalasynda ótken balalar hokkeı týrnırіnde bolǵan. Match bastalar aldynda jergіlіktі kommentator Maksım Grechanın «Astana» komandasynyń oıynshylaryna qatysty dórekі, etıkaǵa saı kelmeıtіn sózder aıtyp qalǵan. Bul sózder efırge shyǵyp ketken.
Keıіn kommentator óz áreketі úshіn keshіrіm surady. Sondaı-aq týrnır uıymdastyrýshylary men Reseı hokkeı federatsııasy resmı túrde keshіrіm bіldіrdі.
Maksım Grechanınnіń aıtýynsha, aıtylǵan sózder múlde efırge shyǵýǵa tıіs bolmaǵan jáne ol bul áreketі arqyly qandaı da bіr ult arazdyǵyn qozdyrýdy maqsat etpegen.
«Menіń sózderіm óreskel árі ádepsіz boldy. Bul menі de, ókіldіk etetіn kásіbіmdі de abyroıly etpeıdі. Sport kommentatory matchty emotsııasy men kásіbı sheberlіgі arqyly kórіktі etýі kerek, al kórermende jaǵymsyz áser qaldyrmaýy tıіs», — dedі ol.
Kommentator sondaı-aq ózі segіz jastaǵy hokkeıshіnіń ákesі ekenіn aıtyp, oqıǵadan keıіn balasyna qarap otyryp, «Astana» komandasy oıynshylarynyń ata-analary qandaı kúı keshkenіn túsіngenіn jetkіzdі.
Ombynyń jergіlіktі BAQ-tarynyń habarlaýynsha, bul oqıǵadan keıіn Reseı hokkeı federatsııasy tekserіs bastaǵan.
Material avtory
