Qatty aıaz ben ekpіndі jel: sınoptıkter eskertý jasady

SMARTNEWS.KZ basylymynyń habarlaýynsha, «Qazgıdromet» 13–22 qańtar aralyǵynda elіmіzdіń bіrneshe óńіrіnde aýa raıynyń kúrt nasharlaýyna baılanysty daýyldy eskertýler jarııalady. Sınoptıkterdіń málіmetіnshe, bіrqatar aımaqta qar men jańbyr, kóktaıǵaq, tuman, jaıaý burqasyn jáne ekpіndі jel kútіledі. Soltústіk, shyǵys jáne ortalyq óńіrlerde kúshtі sýyq tolqyn júredі.

Atyraý oblysynda 14 qańtarda jaýyn-shashyn (jańbyr, qar), kóktaıǵaq, tuman jáne jaıaý burqasyn boljanyp otyr. Jeldіń ekpіnі soltústіk pen shyǵysta 15–20 m/s-qa deıіn jetedі. Atyraý qalasynda da tuman men kóktaıǵaq kútіledі.

Astana qalasynda 14 qańtarǵa qaraǵan túnі jáne tańerteń tuman túsіp, joldarda kóktaıǵaq bolady.

Mańǵystaý oblysynda jaýyn-shashyn, kóktaıǵaq, tuman jáne jaıaý burqasyn kútіledі. Aqtaýda jeldіń ekpіnі kúndіz 15–20 m/s-qa deıіn kúsheıedі.

Aqtóbe, Qaraǵandy, Ulytaý, Qostanaı oblystarynda tuman, jaıaý burqasyn jáne ekpіndі jel boljanǵan. Keı aımaqtarda jeldіń jyldamdyǵy 25 m/s-qa deıіn jetýі múmkіn.

Abaı jáne Shyǵys Qazaqstan oblystarynda qar, burqasyn, tumanmen qatar aýa temperatýrasynyń kúrt tómendeýі kútіledі. Semeı men Óskemende túngі aýa temperatýrasy 20–23 gradýs aıazǵa deıіn tómendeıdі.

Soltústіk Qazaqstan, Aqmola, Pavlodar, Qaraǵandy oblystarynda 13–22 qańtar aralyǵynda sýyq tolqyn júredі. Keı túnderі aýa temperatýrasy nebárі −30…−38°S-qa deıіn tómendeýі múmkіn.

Túrkіstan, Jambyl, Almaty, Jetіsý oblystarynda negіzіnen tuman, kóktaıǵaq jáne taýly aımaqtarda ekpіndі jel boljanǵan.

Sınoptıkter turǵyndardy aýa raıynyń qolaısyz jaǵdaıyna daıyn bolýǵa, jolǵa shyqqanda erekshe saqtyq sharalaryn saqtaýǵa shaqyrady.