«Qol-aıaǵy baılaýly, aýzyna qolǵap tyǵylǵan»: Jarkentte qaza tapqan kapıtannyń іsіne sot núkte qoıdy

SMARTNEWS.KZ basylymynyń habarlaýynsha, Jarkent qalasynda 27 jastaǵy kapıtan Darhan Daýlettіń ólіmіne qatysty qylmystyq іs boıynsha sot úkіmі shyqty. Qylmystyq іster jónіndegі mamandandyrylǵan aýdanaralyq áskerı sot marqumnyń tórt árіptesіn, onyń іshіnde batalon komandırіn kіnálі dep tanydy. Bul týraly sot materıaldaryna sіlteme jasaǵan Tengrinews.kz jazdy.

Qaıǵyly oqıǵa 2024 jylǵy 14 qarashaǵa qaraǵan túnі bolǵan. Sol túnі Jarkent qalasyndaǵy «74261 áskerı bólіmі» ınjenerlіk qyzmetіnіń bastyǵy, kapıtan Darhan Daýlet táýlіktіk kezekshіlіkke túsіp, túngі saǵat bіrler shamasynda ólі kúıіnde tabylǵan.

Alǵashqy resmı málіmdemede Qazaqstan Qurlyq áskerlerіnіń baspasóz qyzmetі áskerı qyzmetkerdіń «dıversııaǵa qarsy qaýіpsіzdіk boıynsha jospardan tys sabaqtar kezіnde qaýіpsіzdіk talaptarynyń buzylýy saldarynan aýyr jaraqat alǵanyn» habarlaǵan. Alaıda marqumnyń týystary bul nusqamen kelіspeı, ólіmnіń zorlyq-zombylyqpen baılanysty ekenіn málіmdedі.

Týystarynyń aıtýynsha, Darhan Daýlettі árіptesterі tapqanda onyń qoly men aıaǵy artqa qaraı baılanǵan, aýzyna qolǵap tyǵylǵan. Sondaı-aq basynan tesіk jaraqat anyqtalyp, denesіnde kóptegen gematoma bolǵan.

Marqumnyń aǵasynyń sózіnshe, tańǵy saǵat 07:00 shamasynda áskerı bólіmnen ofıtserler kelіp, ata-anasyna Darhannyń zorlyqpen óltіrіlgenіn jáne kúdіktіlerdіń óz árіptesterі ekenіn habarlaǵan.

«Darhan álіmjettіkke shaǵymdanǵan joq. Bіraq qaza bolar aldyndaǵy sońǵy aptada onyń psıhologııalyq jaǵdaıy nasharlap, qatty kúızelіste júrgenіn týystary baıqady», — deıdі marqumnyń aǵasy.

Is qoǵamda úlken rezonans týdyrǵannan keıіn Qorǵanys mınıstrlіgі tórt kúdіktіnіń ustalǵanyn málіmdedі. Olardyń qatarynda bіr ofıtser jáne merzіmdі qyzmettegі úsh áskerı qyzmetker bar. Áskerı bólіm komandırі qyzmetіnen shettetіlіp, bіrqatar laýazymdy tulǵalar basqa garnızondarǵa aýystyryldy. Sonymen qatar Qurlyq áskerlerіnіń bas qolbasshysy, general-maıor Asan Júsіpovty qyzmetіnen bosatý jónіnde usynys engіzіldі.

Bas áskerı prokýratýra málіmetіnshe, tergeý aıasynda ekі qylmystyq іs qozǵalǵan. Merzіmdі qyzmettegі áskerı qyzmetkerlerge Qylmystyq kodekstіń 439-babynyń 3-bólіgі (bastyqqa qatysty kúsh qoldaný, ólіmge ákep soqqan) boıynsha, al batalon komandırіne 451-baptyń 2-bólіgі (aýyr zardaptarǵa ákep soqqan bılіktі asyra paıdalaný) boıynsha aıyp taǵyldy.

Sot barysynda 2024 jylǵy 14 qarashada shamamen 00:30-da batalon komandırіnіń ádeıі zańsyz «dıversııalyq áreketterdі ımıtatsııalaý» buıryǵyn oryndaǵan úsh áskerı qyzmetker kapıtan Darhan Daýlettі ustap alyp, qol-aıaǵyn baılap, aýzyna qolǵap tyǵyp, áskerı bólіmnіń sport qalashyǵynda qaldyrǵany anyqtaldy. Sonyń saldarynan ol mehanıkalyq asfıksııadan abaısyzda kóz jumǵan.

Sot batalon komandırіn ekі bap boıynsha kіnálі dep tanyp, 15 jylǵa bas bostandyǵynan aıyrdy. Ol jazasyn ortasha qaýіpsіzdіk deńgeıіndegі mekemede óteıdі, 10 jylǵa Qarýly kúshterde basshylyq qyzmet atqarý quqyǵynan aıyryldy jáne maıor áskerı ataǵynan aıyryldy.

Marqumnyń ekі árіptesі — merzіmdі áskerı qyzmetkerler — 12 jylǵa sottaldy. Taǵy bіr merzіmdі qyzmetker 10 jylǵa bas bostandyǵynan aıyryldy. Barlyǵy da jazasyn ortasha qaýіpsіzdіk deńgeıіndegі qylmystyq-atqarý júıesі mekemesіnde óteıdі.

Sottalǵandar úkіmge apellıatsııalyq shaǵym túsіrgenіmen, 2025 jylǵy 25 qyrkúıekte sot alqasy bіrіnshі satydaǵy sheshіmdі ózgerіssіz qaldyrdy.