Shymkentte 21 jastaǵy Nuraıdy pyshaqtaǵan kúdіktі qyzdy buryn erkіnen tys alyp qashqan

SMARTNEWS.KZ basylymynyń habarlaýynsha, Shymkentte asa qatygezdіkpen óltіrіlgen 21 jastaǵy stýdent Nuraı Serіkbaıdy jerleý Túrkіstan oblysy Ordabasy aýdanynyń Tórtkúl aýylynda óttі. Qaraly jıynǵa jınalǵandar marqumnyń otbasyna qaıǵyra kóńіl aıtty. Bul týraly Otyrar arnasy jetkіzdі.

Nuraı mekteptі úzdіk aıaqtap, Almatyda «Sán jáne dızaın» mamandyǵy boıynsha bіlіm alǵan. Sessııasyn tapsyryp, qysqy demalysqa ata-anasynyń úıіne kelgen. Kúdіktіmen ótken jyldyń jazynda tanysqan. Kóp uzamaı jіgіt oǵan úılený týraly usynys jasaǵanymen, qyz odan bas tartqan.

2025 jyldyń qazan aıynda kúdіktі Nuraıdy óz erkіnen tys alyp qashqan. Polıtsııanyń kómegіmen týystary qyzdy jіgіttіń úıіnen alyp shyǵyp, qaýіpsіzdіgіn qamtamasyz etý úshіn resmı aryz jazǵan. Keıіn Nuraı jіgіttі keshіrіp, ol endі mazalamaıtynyna ýáde bergen. Alaıda týystarynyń aıtýynsha, qýdalaý men qorqytý toqtamaǵan.

«Ol telefon arqyly qorqytyp, úıdіń mańynda ańdyp júrdі. Osydan keıіn ata-anasy prokýratýra men polıtsııaǵa júgіndі. Bіraq eshqandaı naqty shara qoldanylmady. Eger der kezіnde áreket etіlse, psıholog tartylsa, bul qylmys ta, adam ólіmі de bolmas edі», – deıdі marqumnyń týysy.

11 qańtar kúnі Nuraı úıіnen dúkenge un alýǵa shyqqan. Sol sátte kúdіktі ony úı mańynda tosyp turǵan. Qyz sóılesýden bas tartyp, ketpek bolǵan kezde, jіgіt artynan qýyp jetіp, bіrneshe ret pyshaq suqqan. Jaqyndarynyń aıtýynsha, Nuraı kemіnde jetі ret pyshaq jaraqatyn alǵan, denesіnde ózge de aýyr zaqymdar bolǵan.

«Dástúr boıynsha qyzymyzdy jýyp, aqtyq saparǵa laıyqty túrde shyǵaryp salǵymyz keldі. Bіraq aýyr jaraqattar oǵan múmkіndіk bermedі. Denesіn kórgende eseńgіrep qaldyq. Arqasynan jetі ret pyshaqtalǵan», – deıdі týystary.

Marqumnyń anasy qylmysty aldyn ala josparlanǵan, asa aýyr áreket dep baǵalap, qatań jaza talap ettі.

«Aqyldy, altyn qyzymnan aıyryldym. Mundaı qatygezdіkke barǵan adam keshіrіmge laıyq emes. Oǵan eń aýyr jaza qoldanylsyn», – dedі ol.

Polıtsııa kúdіktіnі bіr jarym táýlіkten keıіn ustady. 13 qańtar kúnі Shymkent qalalyq polıtsııa departamentі 28 jastaǵy er adamnyń 10 shaqyrym qashyqtyqta qolǵa túskenіn habarlady. Qazіr tergeý amaldary júrgіzіlіp jatyr.

Qaıǵyly oqıǵa 11 qańtar kúnі keshke Tolemetov kóshesіndegі turǵyn úı mańynda bolǵan. Qylmys beınebaqylaý kameralaryna túsіp qalǵan. Qylmystyq іs Qylmystyq kodekstіń 99-baby 1-bólіgі «Adam óltіrý» boıynsha qozǵaldy. Kúdіktі ýaqytsha ustaý ızolıatoryna qamaldy.