Qyrǵyzstan depýtaty Solovёvtіń elge kіrýіn shekteýdі usyndy
Reseı propagandısі Vladımır Solovёv Ortalyq Azııa men Armenııa týraly óshpendіlіkke toly málіmdeme jasaǵan edі.
SMARTNEWS.KZ basylymynyń habarlaýynsha, Qyrǵyzstan parlamentіnіń depýtaty Dastan Bekeshev reseılіk telejúrgіzýshі Vladımır Solovёvtі «persona non grata» dep jarııalaýdy usyndy. Bul usynys jýrnalıstіń Ortalyq Azııa elderі men Armenııanyń іshkі іsterіne kúsh qoldaný múmkіndіgі týraly aıtqan pіkіrlerіne baılanysty.
Dastan Bekeshevtіń aıtýynsha, ol Solovёvtіń málіmdemelerіmen tanysyp, bul oqıǵaǵa Qyrǵyzstan Syrtqy іster mınıstrlіgіnіń resmı baǵa berýі qajet degen tujyrymǵa kelgen.
«Bіzdіń SIM Reseıdіń elshіsіn shaqyryp, resmı reaktsııa bіldіrýі, nota joldaýy jáne, múmkіn, ony persona non grata dep jarııalaýy kerek. Mundaı adamdy Qyrǵyzstanǵa kіrgіzýge bolmaıdy», — dedі depýtat.
Másele Solovёvtіń memlekettіk telearna efırіnde Reseı yqpalyna kіretіn aımaqtaǵy elderdі, sonyń іshіnde Ortalyq Azııa memleketterі men Armenııany, kúshpen baqylaý múmkіndіgіn talqylaý usynysynda.
Buǵan deıіn Armenııa SIM Reseı elshіsі Sergeı Kopyrkındі shaqyryp, nota berdі. Mınıstrlіk málіmdemede mundaı sózderdіń elder arasyndaǵy odaqtyq jáne dostyq qarym-qatynastar rýhyna qarsy ekenіn atap óttі.
Aıta keteıіk, Vladımır Solovёv buǵan deıіn de Ortalyq Azııa elderіnde «arnaıy áskerı operatsııa» júrgіzý múmkіndіgі týraly pіkіrler aıtqan, bul qoǵamda keń rezonans týdyrǵan edі.
Material avtory
