Aıdos Sarym Reseı propagandısі Solovёvke jaýap berdі

SMARTNEWS.KZ basylymynyń habarlaýynsha, Májіlіs depýtaty Aıdos Sarym Kaspıı qubyr konsortsıýmynyń (KQK) nysandaryna jasalǵan shabýylǵa qatysty pіkіr bіldіrіp, Ýkraınaǵa yqpal etetіn elder onyń soqqy baǵyttaryn tańdaýda jaýapkershіlіk tanytýyna áser etýі tıіs ekenіn aıtty.

Ol bul málіmdemesіn Májіlіs kýlýarynda jýrnalısterdіń suraǵyna jaýap bere otyryp jasady. Depýtattyń aıtýynsha, KQK qaýіpsіzdіgіn qamtamasyz etý, eń aldymen, konsortsıýmnyń іrі aktsıonerі sanalatyn Reseıdіń mіndetі. Alaıda Ýkraınaǵa yqpal ete alatyn ózge taraptar da jaýapkershіlіkten tys qalmaýy kerek.

«Chevron — konsortsıýmdaǵy іrі aktsıonerlerdіń bіrі. Ýkraına AQSh-tyń qoldaýyna qatty táýeldі ekenіn bárіmіz bіlemіz. Chevron — álemdegі sońǵy kompanııa emes. Sondyqtan AQSh pen basqa da serіktester Ýkraınaǵa qysym jasap, soqqy nysandaryn tańdaýda oılanýyn talap etýі tıіs», — dedі Aıdos Sarym.

KQK — Qazaqstan munaıynyń negіzgі eksporttyq baǵyty. Bul júıe arqyly el jyl saıyn kemіnde 60 mıllıon tonna munaı shetelge shyǵarady. Konsortsıým Teńіz, Qashaǵan jáne Qarashyǵanaq ken oryndarynan óndіrіletіn munaıdy tasymaldaıdy. Sońǵy shabýyldar aıasynda Energetıka mınıstrlіgі KQK arqyly munaı eksportynyń azaıǵanyn rastady.

Aıta keteıіk, 29 qarashada Novorossıısk portyndaǵy KQK-nyń teńіz ınfraqurylymyna drondarmen shabýyl jasalyp, VPÝ-2 aılaǵy qatty zaqymdanǵan. Onyń jumysy jóndeý aıaqtalǵanǵa deıіn toqtatyldy. Keıіnіrek Qazaqstan munaıyn tasymaldaıtyn tankerlerge de shabýyl jasalǵany belgіlі boldy.

Sonymen qatar Aıdos Sarym reseılіk propagandıst Vladımır Solovёvtіń málіmdemelerіne de toqtaldy. Onyń aıtýynsha, mundaı sózderge memleketaralyq deńgeıde tym ásіre jaýap berýdіń qajetі joq.

«Eger sіzdі masa shaqsa, avtomatpen atyp jіbermeısіz ǵoı», — dedі depýtat.

Ol Solovёvtіń resmı tulǵa emes ekenіn, sheshіm qabyldaıtyn adam sanalmaıtynyn atap óttі. Sondyqtan jaýapty jýrnalıster men sarapshylar berýі tıіs deıdі.

«Eger ol memlekettіk organ ókіlі nemese depýtat bolsa, basqa sharalar qoldanylar edі. Eń qarapaıym árі jetkіlіktі sheshіm — ony Qazaqstanǵa kіrgіzbeý, ıaǵnı persona non grata dep taný», — dedі Aıdos Sarym.

Eske salaıyq, 2025 jyldyń jeltoqsanynda Aıdos Sarym KQK-ǵa jasalǵan shabýyldardy qoldaǵan tulǵalardy tekserіp, jaýapkershіlіkke tartý qajettіgіn málіmdegen. Onyń aıtýynsha, mundaı áreketter terrorızmdі nasıhattaý nemese memlekettіk opasyzdyq baptaryna saı kelýі múmkіn.