Astanada quqyq qorǵaý qyzmetkerіn atyp kettі
Ákesіnіń myltyǵynan oq atqan 21 jastaǵy kúdіktі ustaldy.
SMARTNEWS.KZ basylymynyń habarlaýynsha, elordada ańshylyq myltyqtan oq atqany úshіn 21 jastaǵy kúdіktі ustaldy. Polıtsııa departamentіnіń habarlaýynsha, atys saldarynan zardap shekken azamat – quqyq qorǵaý organynyń qyzmetkerі. Oqıǵa bolǵan sátte ol eńbek demalysynda júrgen.
Tergeý deregіnshe, kúdіktі avtokólіk júrgіzýshіsіne baǵyttap oq atqan. Oqıǵadan keıіn ol іz sýytyp úlgergenіmen, jedel-іzdestіrý sharalary barysynda ustalyp, qarý tárkіlendі. Atalǵan derek boıynsha sotqa deıіngі tergep-tekserý bastaldy.
Belgіlі bolǵandaı, paıdalanylǵan ańshylyq myltyq kúdіktіnіń ákesіne tıesіlі. Ol qarýdy saqtaý talaptaryn buzǵany úshіn ákіmshіlіk jaýapkershіlіkke tartyldy.
Áleýmettіk jelіlerde taraǵan nusqada er adam jolǵa shyǵyp, qozǵalystaǵy kólіkke oq atqan, al júrgіzýshі ózіn qorǵaý maqsatynda shabýyldaýshyny qaǵyp ketkenі aıtylady. Alaıda bul aqparat resmı túrde rastalǵan joq.
Tergeý múddesіne baılanysty ózge málіmetter jarııalanbaıdy.
Material avtory
