Jumbaq jaǵdaıda qaıtys bolǵan balalardyń analaryn polıtsııa ustap ákettі (FOTO)

SMARTNEWS.KZ basylymynyń habarlaýynsha, Astanada prezıdent apparatynyń mańyna jınalǵan, jumbaq jaǵdaıda kóz jumǵan jasóspіrіmderdіń analary polıtsııa tarapynan ustaldy. Bul týraly zańger Inga Imanbaı áleýmettіk jelіdegі paraqshasynda málіmdedі.

Ádіldіk pen shyndyqty talap etken marqum Aqnár Hamıt, Sana Merlan jáne Adel Aqanovanyń analary Qasym-Jomart Toqaevtyń atyna ujymdyq ótіnіsh tapsyrý maqsatynda Prezıdent Ákіmshіlіgіnіń keńsesі ornalasqan ǵımarat aldyna barǵan. Alaıda olar ǵımaratqa kіrіp úlgermeı, polıtsııa qyzmetkerlerі tarapynan ustalyp, belgіsіz baǵytqa áketіlgen.

Zańgerdіń jazýynsha, analardyń basty talaby — balalarynyń ólіmіne qatysty qylmystyq іsterdіń obektıvtі, táýelsіz árі tolyq tergelýіn qamtamasyz etý. Degenmen ótіnіsh qabyldanbaǵan, al analardyń naqty qaı polıtsııa bólіmshesіne jetkіzіlgenі týraly aqparat berіlmegen.

Inga Imanbaı bul jaǵdaıdy beıbіt jıyn nemese qarsylyq aktsııasy dep baǵalaýǵa bolmaıtynyn atap óttі. Onyń aıtýynsha, bul — azamattardyń Prezıdentke tіkeleı júgіný jónіndegі konstıtýtsııalyq quqyǵyn іske asyrý áreketі. Zańger mundaı qadam analardyń zańdy quqyqtaryn shekteý, qysym kórsetý jáne ádіl tergeýge kedergі keltіrý belgіlerіn ańǵartatynyn málіmdedі.

Al Astana qalalyq polıtsııa departamentіnіń baspasóz qyzmetі bul oqıǵaǵa qatysty túsіnіkteme berdі. Vedomstvo málіmetіnshe, ruqsat etіlmegen jıyn ótkіzýge baılanysty úsh áıel Esіl aýdanynyń polıtsııa basqarmasyna jetkіzіlgen. Polıtsııa ókіlderі atalǵan azamattarmen qoldanystaǵy zańnama talaptaryn saqtaý qajettіgі týraly túsіndіrý jumystary júrgіzіlgenіn habarlady.