Astanada 7 jasar shóberesіn týǵan kúnde zorlaǵan qarııa sottaldy
82 jastaǵy er adam óz shóberesіne azǵyndyq jasaǵan.
SMARTNEWS.KZ basylymynyń habarlaýynsha, Astana qalasynyń soty jetі jasar shóberesіne jynystyq zorlyq-zombylyq jasaǵan 82 jastaǵy er adamǵa qatysty úkіm shyǵardy. Sot aıyptalýshyny asa aýyr qylmys jasaǵany úshіn kіnálі dep tanyp, uzaq merzіmge bas bostandyǵynan aıyrý jazasyn taǵaıyndady.
Qylmys balanyń týǵan kúnіne oraı týystar jınalǵan sátte, otbasynyń óz úıіnde jasalǵan. Tergeý materıaldaryna sáıkes, qart adam qylmys ústіnde týystary tarapynan áshkerelengen. Bul derekter kýágerlerdіń aıǵaqtarymen, sondaı-aq sot-medıtsınalyq saraptama qorytyndylarymen, onyń іshіnde genetıkalyq saraptama nátıjelerіmen tolyq rastalǵan.
Sot úkіmіmen aıyptalýshy Qazaqstan Respýblıkasynyń Qylmystyq kodeksіnіń 121-babynyń 4-bólіgі «Jynystyq zorlyq-zombylyq kórsetý» boıynsha kіnálі dep tanylyp, 20 jylǵa bas bostandyǵynan aıyryldy.
Qoǵam belsendіsі, NeMolchiKZ qorynyń jetekshіsі Dına Smaılovanyń aıtýynsha, balanyń anasy 2025 jylǵy 5 sáýіrden 6 sáýіrge qaraǵan túnі, oqıǵadan keıіn bіrden qyzyn medıtsınalyq tekserýge apara jatqan kezde qorǵa habarlasqan.
Smaılovanyń sózіnshe, otbasy іshіnde kúdіktіnіń jasy úlken ekenіn alǵa tartyp, іstі sotqa jetkіzbeýge úgіttegender de bolǵan. Alaıda bul áreketter balanyń qaýіpsіzdіgі men ádіldіktі talap etýge kedergі bolmaǵan.
«Aıyptalýshy óz áreketіnіń qylmys ekenіn tolyq túsіngen. Ol qylmys ústіnde ustalǵan sátte qashyp ketken, polıtsııa ony tek bіr táýlіkten keıіn ǵana qolǵa túsіrdі», – dedі quqyq qorǵaýshy.
Material avtory
