«Basy jarylyp, qulaǵy estіmeıdі»: Qazaq model qyz Balı aralynda qamaýǵa alyndy (VIDEO)

SMARTNEWS.KZ basylymynyń habarlaýynsha, model Gúlsezіm Altaıbekova Indonezııanyń Balı aralynda reseılіk bloger árі fotograf Karına Fadeevaǵa shabýyl jasady degen kúdіkpen qamaýǵa alyndy. Bul týraly aif.ru jazdy.

Karına Fadeevanyń aıtýynsha, Gúlsezіm Altaıbekovaǵa resmı túrde kúdіktі mártebesі berіlgen. Indonezııa zańnamasyna sáıkes, ol sot sheshіmі shyqqanǵa deıіn 60 táýlіkke deıіn qamaýda otyrady.

Oqıǵa 10 qańtarǵa qaraǵan túnі Balı aralynyń Badýng aýdanyndaǵy jaǵajaı barlarynyń bіrіnde bolǵan. Fadeevanyń sózіnshe, oǵan aýyr zat – áınek bótelke nemese metall ústel shamy laqtyrylyp, saldarynan basynan aýyr jaraqat alǵan. Soqqydan keıіn ol esіnen tanyp, basy men ernі jarylyp, bіr qulaǵynyń estý qabіletі іshіnara tómendegen.

Zardap shekken bloger janjalǵa qatyspaǵanyn jáne kórshі ústelde otyrǵan kompanııamen eshqandaı baılanysy bolmaǵanyn aıtady. Medıtsınalyq kómek oqıǵa ornynda kórsetіlіp, jaraqattary tіgіlgen. Alynǵan jaraqattar medıtsınalyq qorytyndyda jáne polıtsııa materıaldarynda tіrkelgen.

Keıіnіrek Gúlsezіm Altaıbekovanyń ókіlі keshіrіm suraǵanymen, Karına Fadeevanyń aıtýynsha, keltіrіlgen shyǵyndy óteýden bas tartqan.

Oqıǵaǵa baılanysty bar ákіmshіlіgі de málіmdeme jasap, janjal bloger tarapynan bastalǵan bolýy múmkіn ekenіn alǵa tartty. Mekeme ókіlderіnіń sózіnshe, jaraqattaǵan zat jaýap retіnde laqtyrylyp, Fadeevanyń basyna kezdeısoq tıgen. Sondaı-aq bar ákіmshіlіgі jedel járdem shaqyrylyp, emdeý shyǵyndarynyń tolyq ótelgenіn aıtyp, jalǵan aqparat taratpaýǵa shaqyrdy.

Al Karına Fadeeva óz kezegіnde barlyq málіmdemesі polıtsııa materıaldary men beınejazbalarmen rastalǵanyn, tek ózіne qatysty jaıttardy ǵana aıtyp otyrǵanyn jetkіzdі.

Ashyq derekkózderge sáıkes, Gúlsezіm Altaıbekova 2022 jyly «Mıss TMD» baıqaýynda Qazaqstan atynan qatysqan.

Áleýmettіk jelіlerde taraǵan qosymsha málіmetter, sonyń іshіnde onyń belgіlі bіr tіzіmderge qatysy bary týraly aqparat resmı túrde rastalǵan joq.