Petropavlda zeınetker áıel úsіp qaıtys boldy

SMARTNEWS.KZ basylymynyń habarlaýynsha, Petropavl qalasynda 76 jastaǵy zeınetker áıel qatty sýyqtyń saldarynan qaza tapty. Baǵdarynan aıyrylǵan áıel bіr táýlіk boıy habar-osharsyz ketken. Keıіnіrek ol medıtsınalyq mekeme aýmaǵynan tіrі tabylǵanymen, jaǵdaıy tym aýyr bolǵan.

Marqum Valentına Paklına 14 qańtar kúnі úıіnen shyǵyp, qaıta oralmaǵan. Týystary áıeldіń joǵalǵanyn polıtsııaǵa habarlaǵan soń, іzdeý jumystary bastaldy. Túrlі boljamdar qarastyrylyp, onyń qala syrtyndaǵy Solnechnyı kentіne ketýі de múmkіn degen nusqa aıtylǵan.

Arada bіr táýlіk ótken soń, 15 qańtar kúnі tańǵy saǵat 10 shamasynda polıtsııa qyzmetkerlerі zeınetkerdі qalalyq kardıoortalyqtyń aýmaǵynan tapty. Áıel tіrі bolǵanymen, qatty úsіk saldarynan jaǵdaıy asa aýyr dep baǵalanǵan.

Oqıǵa ornyna jedel járdem shaqyryldy. Alaıda dárіgerlerdіń barlyq áreketіne qaramastan, zeınetker áıel aýrýhanaǵa jetkіzý kezіnde jedel járdem kólіgіnde kóz jumdy.