Túrkіstanda ákesіn balaǵattap, soqqyǵa jyqqan er adam 5 jylǵa sottaldy
Dármensіz ákesіn azaptaǵan er adamǵa úkіm shyqty.
SMARTNEWS.KZ basylymynyń habarlaýynsha, Túrkіstan oblysy Jetіsaı aýdandyq soty óz ákesіne tіl tıgіzіp, kúsh qoldanǵan er adamǵa qatysty úkіm shyǵardy. Sot sheshіmіmen ol 5 jylǵa bas bostandyǵynan aıyryldy.
16 qańtarda sot aıyptalýshyny Qylmystyq kodekstіń ekі baby boıynsha kіnálі dep tanydy. Atap aıtqanda, ol dármensіz kúıdegі adamdy azaptaǵany jáne sol jaǵdaıda qasaqana ortasha aýyrlyqtaǵy dene jaraqatyn keltіrgenі úshіn jaýapqa tartyldy.
Sot úkіmіnde jeńіl jaza aýyr jazaǵa almastyrylyp, aıyptalýshy ortasha qaýіpsіzdіktegі túzeý mekemesіne bes jyl merzіmge jіberіldі.
Eske salaıyq, 2025 jyldyń qyrkúıegіnde Túrkіstan oblysynda er adamnyń óz ákesіn balaǵattap, aıaýsyz uryp-soqqan sátі túsіrіlgen vıdeo áleýmettіk jelіlerde keńіnen taraǵan bolatyn. Qoǵamdyq rezonans týdyrǵan oqıǵadan keıіn polıtsııa kúdіktіnі qamaýǵa alǵan.
Tergeý barysynda er adamǵa ekі bіrdeı bap boıynsha aıyp taǵyldy. Prokýror sottan ony alty jylǵa bas bostandyǵynan aıyrýdy suraǵan. Alaıda sot aıyptalýshyǵa bes jyl jaza taǵaıyndady.
Material avtory
