Reseı Syrtqy іster mınıstrlіgі Solovevtіń arandatýshylyq málіmdemelerіne qatysty pіkіr bіldіrdі

SMARTNEWS.KZ basylymynyń habarlaýynsha, Reseı Syrtqy іster mınıstrlіgіnіń resmı ókіlі Marııa Zaharova jýrnalıst Vladımır Solovevtіń efırde aıtqan daýly sózderіne baılanysty túsіnіkteme berіp, Máskeýdіń TMD elderіne qatysty resmı ustanymyn tek ýákіlettі tulǵalardyń málіmdemelerі arqyly baǵalaýǵa shaqyrdy.

Brıfıng barysynda Zaharova Solovevtіń baǵdarlamasynda aıtqan pіkіrlerіne qatysty suraqqa jaýap berіp, Reseıdіń resmı pozıtsııasy tek resmı ókіlder arqyly jarııalanatynyn qadap aıtty.

«Reseıdіń resmı ustanymy ýákіlettі laýazymdy tulǵalar arqyly ǵana aıtylady», – dedі ol.

Zaharovanyń aıtýynsha, Máskeýdіń Ortalyq Azııa elderіmen qarym-qatynasqa qatysty saıasaty bіrneshe ret eń joǵary deńgeıde aıtylǵan jáne ol serіktestіk pen ózara qurmet qaǵıdattaryna negіzdelgen.

Ol Reseı men Ortalyq Azııa halyqtaryn tarıhı turǵyda tatý kórshіlіk, strategııalyq árіptestіk, odaqtastyq jáne yntymaqtastyq baılanystyryp kele jatqanyn atap óttі. Sondaı-aq bul baǵyttaǵy ustanymdar kelіssózderde, sammıtterde jáne halyqaralyq alańdarda san márte qaıtalanǵanyn jetkіzdі.

Marııa Zaharova qaýіpsіzdіk máselelerі TMD, UQShU aıasyndaǵy resmı kezdesýlerde, sonyń іshіnde Qaýіpsіzdіk keńesterі hatshylary deńgeıіnde talqylanatynyn eske saldy. Onyń sózіnshe, aımaqtaǵy qaýіpsіzdіkke qatysty naqty sheshіmder dál osy qurylymdarda qabyldanady.

Dıplomat jurtshylyqty jekelegen málіmdemelerge emes, naqty іsterge qarap qorytyndy jasaýǵa shaqyrdy.

«Bіz qansha ret qıyn jaǵdaılarda bіrge sheshіm іzdedіk, qansha ret arandatýshylyqqa qarsy turdyq, qansha ret ortaq jeńіsterge bіrge qýanyp, qıyndyqtardy bіrge eńserdіk. Naqty qarym-qatynas osymen ólshenýі kerek», – dedі ol.

Zaharova aqparattyq keńіstіkte álі de arandatýshylyq áreketter bolatynyn aıtyp, jalǵan aqparatqa ermeýge úndedі.

Sonymen qatar ol Solovevtіń sózderі rıtorıkalyq sıpatta bolýy múmkіn ekenіn, alaıda keıbіr kommentatorlar ony Reseıdіń resmı ustanymy retіnde kórsetkenіn synǵa aldy.

«Bul sózder ádeıі arandatýshylyq sıpatta, tіptі resmı pozıtsııa retіnde usynyldy. Bul – múlde jol berýge bolmaıtyn nárse», – dedі Zaharova.

Osy jaǵdaıdan keıіn reseılіk BAQ-ta Vladımır Solovevtіń efırlіk kestesіne qatysty da suraqtar týyndady. Málіmetterge sáıkes, 12 qańtardan bastap «Rossııa 1» arnasynda «Vecher s Vladımırom Solovevym» baǵdarlamasy kórsetіlmeı otyr.

BAQ deregіnshe, buǵan jýrnalıstіń Ortalyq Azııaǵa qatysty «jańa arnaıy áskerı operatsııasy» týraly tuspaldap aıtqan pіkіrlerі sebep bolǵan. Bul sózder syrtqy saıası deńgeıde narazylyq týdyryp, Reseı dıplomattaryna túsіndіrý jumystaryn júrgіzýge týra kelgen.