Túrkіstan oblysynda ózіn qoǵamdyq belsendі etіp kórsetken bloger ustaldy (VIDEO)
Ońtústіkte blogerge qatysty bopsalaý іsі qozǵaldy.
SMARTNEWS.KZ basylymynyń habarlaýynsha, Túrkіstan oblysynda ózіn qoǵamdyq belsendі retіnde tanystyrǵan bloger áıel bopsalaý deregі boıynsha ustaldy. Bul týraly Ishkі іster mınıstrlіgі málіmdedі.
Vedomstvonyń aqparattyq medıa-portalynyń málіmetіnshe, Túrkіstan oblystyq polıtsııa departamentіnіń uıymdasqan qylmysqa qarsy kúres basqarmasy jedel-іzdestіrý іs-sharalary barysynda 32 jastaǵy áıeldі qolǵa túsіrgen. Ol áleýmettіk jelіler arqyly blog júrgіzіp, ózіn qoǵam belsendіsі retіnde kórsetken.
Aldyn ala derekke sáıkes, kúdіktі Keles aýdanyndaǵy medıtsınalyq mekemenіń basshysynan áleýmettіk jelіlerde bedelіne nuqsan keltіretіn materıaldardy jarııalamaý úshіn 1 mıllıon teńge talap etken.
Atalǵan faktі boıynsha qylmystyq іs qozǵaldy. Zattaı dálelder tárkіlendі. Qazіr sotqa deıіngі tergeý júrіp jatyr, oqıǵanyń barlyq mán-jaıyn anyqtaýǵa baǵyttalǵan qajettі protsessýaldyq áreketter júrgіzіlýde.
Material avtory
