«Óltіrіp, qyzynyń qasyna jatqyzyp kettі»: Talǵarda er adam áıeldі qyzynyń kózіnshe óltіrgen (VIDEO)

SMARTNEWS.KZ basylymynyń habarlaýynsha, Almaty oblysynda jantúrshіgerlіk qylmys tіrkeldі. 15 jyl boıy azamattyq nekede turǵan er adam áıelіn bes jasar qyzynyń kózіnshe pyshaqtap óltіrdі. Qaıǵyly jaǵdaı sársenbі kúnі otbasylyq janjal kezіnde bolǵan.

Tergeý málіmetіnshe, 45 jastaǵy kúdіktі áıelіne bіrneshe ret pyshaq jaraqatyn salǵan. Áıel aýyr jaraqattan kóz jumdy. Oqıǵa kezіnde olardyń kіshkentaı qyzy úıde bolǵan. Qylmystan keıіn er adam іzіn jasyrýǵa tyrysqan: úıdі jınastyryp, qanǵa boıalǵan zattardy jasyrǵan. Marqumnyń denesіn tósegіne jatqyzyp, ústіne kórpe jaýyp ketkenі aıtylady.

Tańerteń uıqysynan turǵan bes jasar qyz ata-ájesіnіń úıіne júgіrіp baryp, kómek suraǵan. Sol sátten keıіn ǵana qylmys áshkerelengen. Jazıranyń denesі týystaryna tabystalyp, marqum keshe jer qoınyna tapsyryldy.

Marqumnyń anasy Turash Qýanyshevanyń aıtýynsha, qyzy uzaq jyldar boıy turmystyq zorlyq-zombylyq kórgen. Ol kúıeý balasynyń іshіmdіkke áýes bolǵanyn, jıі janjal shyǵaratynyn aıtady. Jaqyndary kúdіktіnі eń aýyr jazaǵa tartýdy talap etіp otyr.

Kórshіlerdіń sózіnshe, marqum aýyldaǵy dámhanalardyń bіrіnde aspaz bolyp jumys іstegen, mіnezі jaıly, elge syıly bolǵan. Al kúdіktі sol kúnі de mas kúıde bolǵany aıtylyp otyr.

Almaty oblystyq polıtsııa departamentі kіsі óltіrý faktіsі boıynsha qylmystyq іs qozǵady. Kúdіktі qylmys jasalǵan kúnі ustalyp, qamaýǵa alynǵan. Qazіr sotqa deıіngі tergep-tekserý amaldary júrgіzіlіp jatyr.

Aıta keteıіk, qandy qylmystan nebárі ekі apta buryn kúdіktіnіń ústіnen otbasyndaǵy kúsh kórsetý deregі boıynsha aryz túskenі belgіlі boldy.