«Klýbta ólseńder, obaldaryń joq»: Koých Roza Áshіrbaeva Quran úıretýshі ustazdyń málіmdemesіne qarsy shyqty

SMARTNEWS.KZ basylymynyń habarlaýynsha, Threads áleýmettіk jelіsіnde Quran oqýdy úıretetіn Balym Serіkhanqyzynyń jazbasy qyzý pіkіrtalas týdyrdy. Ustazdyń qoǵamdaǵy keıbіr qubylystarǵa qatysty aıtqan pіkіrі jelі qoldanýshylary arasynda túrlі reaktsııaǵa sebep boldy.

Atalǵan jazbada Balym Serіkhanqyzy: «Qyzdar klýbqa baryp, ólіp qalsańdar, obaldaryń joq. “Ohota na rozovogo zaıtsa” fılmіnіń rejısserlaryna rahmet, qoǵamdaǵy las nársenі qozǵaǵan», – dep jazǵan.

Bul pіkіrge jelіde keńіnen tanymal koých Roza Áshіrbaeva jaýap berіp, áıelderdіń qaýіpsіzdіgі men qoǵamdaǵy shynaıy jaǵdaıǵa qatysty bіrqatar ótkіr suraq kóterdі. Ol óz jazbasynda turmystyq zorlyq-zombylyq, áıelder men balalarǵa qatysty qylmystar, sondaı-aq qoǵamdyq oryndarda qaýіpsіzdіktіń joqtyǵy týraly aıtty.

«Ustaz, úkіmіn aıtyp jіberіńіzshі, áıelder úılerіnde ólse obaly bola ma? Jalpy áıelder qaı jerde ólgenі durys, qaı jerde júrgenі durys? Qoǵamda áıelderge de, kіshkentaı qyzdarǵa da tynyshtyq joq. Realıstіk jaǵdaıǵa qarap, statıstıka men jańalyqtardy eskerý kerek emes pe?» – dep jazdy Roza Áshіrbaeva.

Osydan keıіn Balym Serіkhanqyzy bastapqy jazbasyn óshіrіp, túsіndіrme pіkіr qaldyrdy. Onyń aıtýynsha, sózder konteksten úzіp alynǵan jáne jazba belgіlі bіr fılmnіń mazmunyna baılanysty aıtylǵan.

«Jazbadaǵy oıdyń ashylǵan jerіn salý kerek edі. Fılmdegі qyzdardyń qalaı jaýyzdyqpen ómіr súrіp, qaza tapqanyna baılanysty aıtylǵan sóz. Ózіm de anamyn, qyz tárbıelep otyrmyn. Osyndaı ómіr jolyna túsken talaı qyzǵa rýhanı kómek kórsettіm», – dep jazdy ol.

Sondaı-aq ustaz ár qazaq qyzynyń ózіne baýyr ekenіn aıtyp, qoǵamdy bіr-bіrіne janashyr bolýǵa, jaqsylyqqa shaqyrýǵa úndedі.

Áleýmettіk jelіdegі bul pіkіrtalas álі de jalǵasyp jatyr. Qoldanýshylardyń bіr bólіgі ustazdyń sózіn orynsyz dep sanasa, endі bіrі aıtylǵan oıdyń astaryn túsіný kerek degen pіkіr bіldіrýde.