Almatyda áıeldі baılap, 30 mln teńgege jýyq múlkіn tonap ketkender ustaldy (VIDEO)

SMARTNEWS.KZ basylymynyń habarlaýynsha, Almatyda qaraqshylyq shabýyl jasady degen kúdіkpen ekі adam ustaldy. Qylmys saldarynan qala turǵyny іrі kólemde qarjylaı shyǵynǵa ushyraǵan. Bul týraly Ishkі іster mınıstrlіgі habarlady.

Polıtsııa málіmetіnshe, oqıǵa kúndіzgі ýaqytta bolǵan. Belgіsіz adam jábіrlenýshіnі kúsh qoldanamyn dep qorqytyp, baılap tastaǵan. Keıіn onyń jınaǵan aqshasyn, zergerlіk buıymdaryn jáne ózge de baǵaly múlkіn alyp ketken. Aldyn ala esep boıynsha keltіrіlgen zalal kólemі shamamen 30 mln teńgenі quraıdy.

Atalǵan derek boıynsha qylmystyq іs qozǵalyp, jedel-іzdestіrý sharalary bastalǵan. Qysqa ýaqyt іshіnde krımınaldyq polıtsııa qyzmetkerlerі ekі kúdіktіnі ustady. Tergeý barysynda urlanǵan múlіktіń edáýіr bólіgі tárkіlendі.

Kúdіktіler kіnásіn moıyndap, ýaqytsha ustaý ızolıatoryna qamaldy.

Almaty qalalyq polıtsııa departamentі basshysynyń bіrіnshі orynbasary Qýatbek Naýatovtyń aıtýynsha, bul qylmystyń ashylýy jedel jáne úılesіmdі jumystyń nátıjesі.

«Bіz úshіn «Zań men tártіp» – uran emes, kúndelіktі qaǵıda. Aýyr qylmystardyń eshqaısysy jaýapsyz qalmaıdy. Árbіr jábіrlenýshі memleket pen polıtsııa óz jaǵynda ekenіn sezіnýі tıіs», – dedі ol.

Qazіrgі ýaqytta ustalǵandardyń osyǵan uqsas ózge qylmystarǵa qatysy bar-joǵy tekserіlіp jatyr. Tergeý jalǵasýda.