«Jalǵyzbasty anamyn»: Jelіde bıshі áıel ózіne toı ústіnde mas adam kúsh qoldanǵanyn aıtty (VIDEO)
Bıshі ózіn mas adam kúshtep shyǵarǵanyn aıtty.
SMARTNEWS.KZ basylymynyń habarlaýynsha, áleýmettіk jelіde toı ústіnde bolǵan oqıǵaǵa qatysty vıdeo keńіnen tarady. Jazbany ózі jábіr kórgen bıshі jarııalaǵan. Oqıǵa qoǵamda úlken rezonans týǵyzyp, Qaznette qyzý pіkіrtalasqa ulasty.
Bıshіnіń aıtýynsha, óner kórsetіp jatqan sátіnde belgіsіz er adam onyń qolynan dórekі túrde ustap, restoran zalynan kúshtep shyǵaryp jіbergen. Ol bul jaǵdaıdy kásіbı mansabyndaǵy eń soraqy oqıǵa dep baǵalap otyr.
«Elestetіp kórіńіzder, 14 jyldyq tájіrıbemde mundaıdy alǵash ret kórіp turmyn. Qazіr sahnaǵa shyǵýdan qorqamyn. Bul – mas kúıdegі bóten adam. Bıіmdі toqtatyp qana qoımaı, ómіrіme qaýіp tóndіrdі. Ekі kún ótse de, aryz jazǵym keledі. Muny jabýly qazan kúıіnde qaldyrýǵa bolmaıdy. Sol jerde tapsyrys berýshіler men asaba onyń kіm ekenіn jasyryp qaldy. Men – úsh balany osy ónerdіń arqasynda asyrap otyrǵan jalǵyzbasty anamyn. Ol kіm ózі maǵan bulaı іsteıtіndeı?» – dep jazdy bıshі.
Ol sondaı-aq oqıǵa ornynda túsіrіlgen vıdeony da jarııalady. Kadrlardan bıshіnіń qonaqtar aldynda bıіn bastaǵany, artynsha er adamnyń jaqyndap kelіp, qolynan tartyp, zaldan shyǵaryp jіbergenі anyq kórіnedі.
Jelі qoldanýshylary bul jaǵdaıdy qyzý talqylap, bıshіnіń qaýіpsіzdіgі men toı ústіndegі jaýapkershіlіk máselesіn kóterіp jatyr.
Material avtory
