Jetіsýdaǵy óz balasyn baılap urǵan áıeldіń іsі: Beınejazbany qurbysy túsіrgen (VIDEO)
Balany aıaýsyz urǵan áıel 7 jylǵa túrmege toǵytylýy múmkіn.
SMARTNEWS.KZ basylymynyń habarlaýynsha, Jarkent kentіnde kámeletke tolmaǵan balaǵa kúsh qoldaný deregі boıynsha jańa mán-jaılar belgіlі boldy. Oqıǵa Jetіsý oblysyndaǵy kópqabatty úılerdіń bіrіnde tіrkelgen. Áleýmettіk jelіlerde taraǵan beınejazba qoǵamda úlken rezonans týǵyzdy.
Panfılov aýdandyq ákіmdіgіnіń málіmetіnshe, atalǵan úı buǵan deıіn bıýdjet qarajaty esebіnen áleýmettіk osal sanattaǵy azamattarǵa berіlgen. Oqıǵa bolǵan sátte balany urǵan áıel bul úıge qonaqqa kelgen. Al beınejazbany úı ıesіnіń qurbysy túsіrgen.
Ákіmdіk ókіlderі Nurkent kentіnіń Qorǵas shekara mańynda ornalasqanyn naqtylady. Áleýmettіk jelіde taraǵan beınejazba dál osy oqıǵadan keıіn jarııalanǵan.
Buǵan deıіn habarlanǵandaı, balanyń anasy ýaqytsha ustaý ızolıatoryna qamaldy. Al kámeletke tolmaǵan balalar Jarkent qalasyndaǵy «Januıa» otbasyn qoldaý ortalyǵyna ornalastyrylǵan. Qazіrgі tańda olardyń jaǵdaıy qanaǵattanarlyq dep baǵalanyp otyr.
Panfılov aýdandyq ákіmdіgіnіń baspasóz qyzmetіnіń jetekshіsі Nurbol Hanagattyń aıtýynsha, beınejazba úı ıesі dúkenge ketken sátte túsіrіlgen. Telefon sol úıde qalǵan, al qonaqqa kelgen qurbysy bolǵan jaǵdaıdy vıdeoǵa jazyp alǵan.
Ákіmdіktіń deregіnshe, beınejazbadaǵy áıel 2020 jyldan berі zańdy nekede turady. Sondaı-aq onyń psıhıatrııalyq dıspanserde arnaıy esepte turǵany anyqtalǵan.
Atalǵan derek boıynsha áıelge Qylmystyq kodekstіń 110-baby 2-bólіgіnіń 1-tarmaǵy – «kámeletke tolmaǵan nemese dármensіz kúıdegі adamdy qınaý» baby boıynsha aıyp taǵyldy. Zańǵa sáıkes, kúdіktіge 4 jyldan 7 jylǵa deıіn bas bostandyǵynan aıyrý jazasy qarastyrylǵan.
Sonymen qatar Panfılov aýdandyq ákіmdіgі áıeldі ata-ana quqyǵynan aıyrý máselesі qaralyp jatqanyn habarlady.
Material avtory
