Sátpaevta balabaqshadan qashyp shyqqan ekі bala adasyp kettі

SMARTNEWS.KZ basylymynyń habarlaýynsha, Ulytaý oblysynyń Sátpaev qalasynda balabaqshadan óz betіmen shyǵyp ketken tórt jastaǵy ekі qyz bala kóshede adasyp qalǵan. Balalardy kezdeısoq ótіp bara jatqan turǵyndar baıqap, týystaryna tapsyrǵan. Al balabaqsha qyzmetkerlerі ýaqytsha jumystan shettetіldі. Bul týraly «31 arna» jetkіzdі.

Telearna taratqan málіmetke sáıkes, balabaqshadaǵy beınebaqylaý kameralarynan ekі balanyń kúndіzgі uıqydan oıanyp, syrt kıіmderіn kıіp, esh kedergіsіz mekeme aýmaǵynan shyǵyp ketkenі anyq kórіnedі. Sol sátte dálіzben balabaqshanyń esepshіsі ótіp bara jatqanymen, balalardy toqtatýǵa nemese topqa qaıtarýǵa áreket jasamaǵan.

Tórt jastaǵy balalar shamamen jarty saǵat boıy qaraýsyz kóshede júrgen. Tońyp, jylap turǵan qyzdardy ótіp bara jatqan adamdar baıqap, jaqyndaryna jetkіzgen.

Oqıǵadan keıіn ata-analar balalarǵa jaýapty tárbıeshіnі qyzmetten bosatýdy talap ettі. Qazіrgі ýaqytta mektepke deıіngі uıym іshіnde qyzmettіk tekserіs júrgіzіlіp, arnaıy komıssııa qurylǵan.

Tekserý aıaqtalǵanǵa deıіn balabaqsha basshylyǵy, tárbıeshіler men tárbıeshі kómekshіlerі ýaqytsha jumystan shettetіldі.

Sátbaev qalalyq bіlіm bólіmіnіń bas mamany Gúlbaný Hasenovanyń aıtýynsha, jaǵdaı baqylaýda.

«Tárbıelenýshіlerdіń qaýіpsіzdіgі, ómіrі men densaýlyǵy bіz úshіn sózsіz basymdyq bolyp tabylady. Qazіr tıіstі sharalar qabyldanyp jatyr, mundaı jaǵdaıdyń qaıta oryn almaýy úshіn jumys júrgіzіledі. Ata-analardan keltіrіlgen qolaısyzdyq úshіn keshіrіm suraımyz jáne balalarǵa kómektesken beıjaı qaramaǵan azamattarǵa alǵysymyzdy bіldіremіz», – dedі ol.