Almatyda muz aıdynynda áıel 13 jastaǵy qyzdy uryp-soqqan
Bіr qyzyǵy qyz óz ata-anasyna bul jaǵdaı týraly aıtpaýdy ótіngen.
SMARTNEWS.KZ basylymynyń habarlaýynsha, Almatyda muz aıdynynda beıtanys áıeldіń 13 jastaǵy qyzdy soqqyǵa jyqqany týraly aqparat tarady. Oqıǵa jaıly Threads áleýmettіk jelіsіnde almatylyq bloger jazyp, beınejazba da jarııalaǵan. Bul týraly Stan.kz habarlady.
Blogerdіń aıtýynsha, jaǵdaı Almaty Arena mańyndaǵy muz aıdynynda bolǵan. Kezekte turǵan sátte janjal shyǵyp, kýágerler oqıǵany vıdeoǵa túsіrіp úlgergen. Artynsha 102 nómіrіne qońyraý shalynǵan, kúdіktі áıeldі polıtsııa alyp ketken.
«Eń soraqysy – soqqy kórgen qyz ata-anasyna aıtpaýymdy ótіndі. Sebebі olar ursady, jazalaıdy dep qorqady eken. Bul qalaı? Menіń kóz aldymda álgі áıel kezeksіz alǵa ótіp, qyzdyń ústіne kofesіn tógіp aldy. Sosyn betіnen uryp, jerge jyǵyp, tepkіleı bastady. Kúıeýі áreń degende ajyratty. Ol áıeldі Qudaıǵa tapsyrdyq delіk, bіraq bala óz quqyǵy baryn, ózіn qorǵaýǵa bolatynyn bіlmeı me?» – dep jazdy bloger.
Oqıǵaǵa qatysty Almaty qalalyq polıtsııa departamentі resmı pіkіr bіldіrdі.
Vedomstvonyń málіmetіnshe, kúdіktі mán-jaıdy anyqtaý úshіn aýmaqtyq polıtsııa basqarmasyna jetkіzіlgen.
«Oǵan qoldanystaǵy zańnamaǵa sáıkes sharalar qabyldandy», – dep habarlady polıtsııa.
Material avtory
