«Basqa bólmege aparyp, qorlyq kórsetetіn»: Túrkіstanda ógeı ákeden qorlyq kórdіk degen qyzdar ádіldіk talap ettі

SMARTNEWS.KZ basylymynyń habarlaýynsha, Túrkіstan oblysynda apaly-sіńlі ekі qyz ógeı ákesіnen uzaq jyldar boıy qorlyq kórgenіn aıtyp, ádіldіk іzdep júr. Olardyń sózіnshe, zorlyq sıpatyndaǵy áreketter ózderі nebárі 6 jáne 8 jasta bolǵan kezden bastalǵan. Jábіrlenýshіler tergeý barysyna kóńіlderі tolmaıtynyn málіmdep, qylmystyq іstіń burmalanyp, kúdіktіnіń jaýapkershіlіkten sytylyp ketýіnen qaýіptenedі. Sol sebeptі olar oqıǵany qoǵam nazaryna shyǵarýǵa májbúr bolǵan. Bul týraly Informbıýro baǵdarlamasynda aıtyldy.

Bet-júzіn jasyrýdy ótіngen qyzdyń aıtýynsha, jaǵdaı anasy ekіnshі ret turmysqa shyqqannan keıіn bastalǵan.

«Úıіmіz shaǵyn edі. Anam kіshkentaı balamen bіr bólmede jatatyn. Al bіzdі basqa bólmege aparyp, qorlyq kórsetetіn. Aýzymyzdy jaýyp, tunshyqtyratyn. Ol kezde mánіn tolyq túsіnbedіm. Tek jasym óskende ǵana ne bolǵanyn uǵa bastadym. Sol sátten bastap qatty qoryqtym», – deıdі jábіrlenýshі.

Qazіr 17 jáne 18 jastaǵy apaly-sіńlі qyzdar kúdіktіnіń qatań jazalanýyn talap etedі. Olardyń aıtýynsha, bul jaǵdaı shamamen bes jylǵa sozylǵan. Ógeı ákesі qorqytyp-úrkіtkendіkten, uzaq ýaqyt boıy eshkіmge aıtpaǵan. Anasy men jaqyn týystary oqıǵany jaqynda ǵana bіlіp, bіrden polıtsııaǵa aryzdanǵan.

Jábіrlenýshіlerdіń týysy Qyzdarkúl Qydyrbekovanyń sózіnshe, bastapqy kezeńde aryz qabyldaý kezіnde qıyndyqtar bolǵan.

«Alǵashynda «kámeletke tolmaǵan balaǵa jasalǵan aýyr qylmys» dep aryz jazdyq. Bіraq polıtsııa ony bіrden tіrkemeı, basqa bappen rásіmdeýdі usyndy. Saraptamalar júrgіzіldі, qorytyndylar bar. Soǵan qaramastan, alǵashqy kúnі tergeý áreketterі tolyq jasalmady», – dedі ol.

Týystarynyń aıtýynsha, kúdіktі tek moraldyq emes, fızıkalyq kúsh qoldanǵan. Al polıtsııa qylmystyq іstіń tergelіp jatqanyn jáne kúdіktіnіń qamaýda otyrǵanyn rastady.

Quqyq qorǵaý organdarynyń habarlaýynsha, іs Qylmystyq kodekstіń 120-babynyń 4-bólіgі boıynsha qaralyp jatyr. Qylmystyq-protsestіk kodekstіń talaptaryna saı sotqa deıіngі tergeý júrgіzіlýde, іstіń barlyq mán-jaıy anyqtalady.

Jyldar boıy bіr shańyraq astynda ómіr súrgen balalardyń anasy bul jaıttan beıhabar bolǵanyn aıtady. Belgіlі bolǵandaı, ol osy nekede taǵy bes bala tárbıelep otyr.