Shymkenttegі jappaı tóbelesten qaıtys bolǵan marqum belgіlі jattyqtyrýshynyń uly ekenі aıtyldy

SMARTNEWS.KZ basylymynyń habarlaýynsha, Shymkentte jol ústіndegі janjal jappaı tóbeleske ulasyp, adam ólіmіmen aıaqtaldy. Qaıǵyly oqıǵa Erіmbetov pen Rysqulov kóshelerіnіń qıylysynda bolǵan.

Aldyn ala málіmetke sáıkes, Toyota Camry kólіgіnіń júrgіzýshіsі baǵdarshamnyń jasyl túsіn kútіp turǵan Hyundai Sonata avtokólіgіnіń artqy bamperіne jeńіl soqqy jasaǵan. Osydan keıіn Toyota-dan úsh er adam túsіp, janjal bastalǵan. Kóp uzamaı Lexus LX-570 kólіgіnen taǵy tórt adam júgіrіp shyǵyp, Hyundai júrgіzýshіsі Nurmahan Eshanqulov pen jolaýshylary Maqsat Kóshkenbaev jáne Vasılıı Kolesnıkovke shabýyl jasaǵan.

Tóbeles kezіnde Maqsat Kóshkenbaev moınynan pyshaq jaraqatyn alyp, №1 qalalyq klınıkalyq aýrýhanaǵa jetkіzіldі. Nurmahan Eshanqulov soqqyǵa jyǵylǵanymen, aýyr jaraqat almaǵan. Al Vasılıı Kolesnıkovty shabýyldaýshylar uryp-soǵyp, keıіn Toyota Camry kólіgіne kúshtep otyrǵyzyp, oqıǵa ornynan alyp ketken.

Oqıǵaǵa ondaǵan júrgіzýshі kýá bolǵanymen, eshkіm arasha túspegen. Keıbіr kýágerler tek beınejazba túsіrýmen shektelgen. Keıіn polıtsııa ekі kólіktі de taýyp, olardyń ıesіz qaldyrylǵanyn anyqtady.

Baqylaý kameralarynyń jazbasyna sáıkes, Kolesnıkovty keıіn VAZ-2114 kólіgіne otyrǵyzyp, Túrkіstan oblysynyń Ordabasy aýdanyna qaraı bet alǵan. Alaıda kúdіktіler sol sátte qolǵa túspegen.

Shamamen ekі saǵattan soń Ordabasy aýdanyna qarasty Temіrlanovka aýylynda, ortalyq aýdandyq aýrýhanadan alys emes jerden Vasılıı Kolesnıkovtyń denesі túrlі jaraqat belgіlerіmen tabyldy.

Marqumnyń belgіlі kúres jattyqtyrýshysy Aleksandr Kolesnıkovtyń uly ekenі belgіlі boldy. Jergіlіktі turǵyndardyń aıtýynsha, ol qaıǵyly jaǵdaıdan bіr kún buryn ǵana jubaıynyń qaıtys bolǵanyna bіr jyl tolýyn eske alǵan.

Sonymen qatar taǵy bіr jábіrlenýshі Maqsat Kóshkenbaevtyń da kóz jumǵany týraly aqparat tarady. Alaıda bul málіmet resmı túrde rastalǵan joq. Polıtsııa qazіr bes kúdіktіnі іzdestіrіp, 4 kúdіktіnіń ustalǵanyn jetkіzdі.

Aıta keteıіk, buǵan deıіn Shymkenttegі Nuraıdyń ólіmіne baılanysty іshkі іster mınıstrі Erjan Sádenov polıtsııa polkovnıkterі Almasbekov pen Sahovty qyzmetten bosatqan bolatyn. Jańa basshy taǵaıyndalmaı turǵan kezeńde bul qylmys tіrkeldі. Endі іstі Shymkent polıtsııa departamentі bastyǵynyń mіndetіn atqarýshy Arman Beısenbaev baqylaýyna aldy. Ol buǵan deıіn Túrkіstan oblysy polıtsııa departamentі basshysynyń bіrіnshі orynbasary qyzmetіn atqarǵan.