Shymkentte Nuraı Serіkbaıdyń ólіmіnen keıіn polıtsııa qyzmetkerlerіne qylmystyq іs qozǵaldy

SMARTNEWS.KZ basylymynyń habarlaýynsha, Shymkent qalasynda stýdent Nuraı Serіkbaıdyń ólіmі polıtsııa departamentі úshіn aýyr saldarǵa ákeldі. Qala polıtsııasy qyzmetkerlerіne qatysty salǵyrttyq belgіlerі boıynsha qylmystyq іs qozǵalyp, basshylyq qatań jaýapkershіlіkke tartyldy.

Málіmettі IIM vıtse-mınıstrі Sanjar Ádіlov Senattaǵy brıfıngte jetkіzdі:

«Prezıdent tapsyrmasy boıynsha mınıstrlіk polıtsııa departamentіnіń basshysyn jáne onyń bіrіnshі orynbasarlaryn tártіptіk jaýapkershіlіkke tartty. Olar qyzmetіnen bosatyldy. Sonymen qatar, salǵyrttyq belgіlerі boıynsha qylmystyq іs qozǵaldy. Bul іs polıtsııa qyzmetkerlerіne qatysty júrgіzіlіp jatyr, olar qylmystyq іstі tіrkeý jáne Nuraı Serіkbaıǵa qatysty májbúrleý áreketі boıynsha der kezіnde shara qoldanbaǵan», – dedі Ádіlov.

Eske salaıyq, 11 qańtar kúnі saǵat 18:40 shamasynda Shymkenttіń bіr kóshesіnde 28 jastaǵy kúdіktі tanysy Nuraı Serіkbaıǵa pyshaq jaraqatyn salǵan. Oqýshy alǵan jaraqatynan oqıǵa ornynda qaza tapqan. Kúdіktі ýaqytsha ustaý ızolıatoryna qamaldy.

Polıtsııa qyzmetkerlerіnіń ýaqtyly shara qoldanbaýy múmkіndіgіne qatysty barlyq aqparat pen faktіler boıynsha іshkі qyzmettіk tekserіs taǵaıyndaldy.

Odan bólek, Shymkent qalasynyń polıtsııa departamentі bastyǵy Nurlan Almasbekov jáne bіrіnshі orynbasary Qurmanbek Sahov, sondaı-aq departamenttіń basqa da laýazymdy tulǵalary qyzmetіnen bosatyldy.