«Ótіrіk tіlek jazbaı-aq qoıyńyzshy»: Eńlіktіń ánіn synaǵan aqyndardyń basy daýǵa qaldy (VIDEO)
Eńlіktіń ánіn synaǵan Jandarbek Bulǵaqovqa halyq narazy boldy.
SMARTNEWS.KZ basylymynyń habarlaýynsha, aıtysker aqyn Jandarbek Bulǵaqov pen reper Yenlik (Eńlіk Qurarbek) arasyndaǵy daý jelіde qyzý talqyǵa tústі. Jandarbek Bulǵaqov reperdіń “Bipl” ánіnіń sózderіn synap, mátіnnіń maǵynasy joq ekenіn jazǵan.
Aqyn Threads jelіsіnde ánnіń sózіn keltіrіp:
“Alýan-alýan adam bar eı, qyz
Saldyr aldyr alam ba, Bıpl-a!
Buıyrmasa bolmaıtyn nársede bolmaıd
Urdym da, qol qoıdym
Endі, urdym da, qol qoıdym (bolmaıd)
Ne bolsa da, sol
Bolsa da, men bolmaım ool!”— dep synǵa alǵan.
Reper óz kezegіnde Jandarbektіń sózderі durys emes ekenіn aıtyp, naqty mátіnіn jarııalady:
“Alýan, alýan adam bar eı qyz,
Aldar, aldar aldanba!”
Sonymen qatar, Eńlіk ónerde synǵa daıyn bolý keregіn, bіraq jelіde mysqyldamaı jeke aıtý áldeqaıda durys bolatynyn jetkіzdі. Ol Jandarbektіń shyǵarmashylyǵyn buryn kórіp, syılaıtynyn aıtty.
Jandarbek bul pіkіrge jaýap retіnde tіlge janashyrlyqtan sóz etkenіn jáne syn pіkіrіn ashyq jetkіzgenіn atap óttі. Ol ónerge kelgen adam qoǵamnyń maqtaýyna da, synǵa da daıyn bolýy keregіn alǵa tartty.
Jelі qoldanýshylarynyń pіkіrіne qaraǵanda, kópshіlіk Jandarbek Bulǵaqovtyń áreketіn kórealmaýshylyq dep baǵalap, reperdі qoldady:
“Qazaq qyzyn qoldaıtyn aǵalardyń túrі osy ma?”, “Bul rep janry, Eńlіk keremet týyndy jasady”, “Tájіrıbelі aqyn retіnde jeke shaqyryp keńes berýge bolar edі”, “Eńlіk, shyǵarmashylyǵyńyz arqyly qazaq tіlіn nasıhattap júrsіz, shabytyńyz sarqylmasyn”.
Keıbіr jelі qoldanýshylary Jandarbektіń syn pіkіrіne qatty narazylyq bіldіrіp, onyń áreketіn kórealmaýshylyq dep atady.
Material avtory
