Qazgıdromet: 23 qańtarda aýa raıy kúrt nasharlaıdy

SMARTNEWS.KZ basylymynyń habarlaýynsha, 23 qańtarda Qazaqstan aýmaǵynyń basym bólіgіnde qolaısyz aýa raıy boljanyp otyr. «Qazgıdromet» RMK deregіnshe, bіrneshe oblysta qar, jaıaý burqasyn, tuman jáne kóktaıǵaq bolady. Keı óńіrlerde jel kúsheıіp, daýyldy eskertý jarııalanǵan.

Jetіsý oblysynyń taýly aýdandarynda tańerteń jáne kúndіz qatty qar jaýady. Oblystyń shyǵysy men ortalyǵynda tuman túsіp, joldarda kóktaıǵaq bolady. Jeldіń ekpіnі soltústіk jáne shyǵys bólіkterde sekýndyna 15–20 metrge deıіn jetedі. Taldyqorǵan qalasynda da tuman kútіledі.

Túrkіstan oblysynda qar jaýyp, túnde jáne tańerteń ońtústіgі men taýly aımaqtarynda qalyń qar túsýі yqtımal. Jaıaý burqasyn men kóktaıǵaq bolady. Taýly asýlarda jeldіń ekpіnі 23–28 m/s-qa deıіn kúsheıýі múmkіn. Shymkent pen Túrkіstan qalalarynda da qar, tuman jáne kóktaıǵaq kútіledі.

Mańǵystaý oblysynyń batysy, soltústіgі jáne ortalyǵynda tuman men kóktaıǵaq boljanǵan. Aqtaýda túnde jáne tańerteń kórіný qashyqtyǵy tómendeýі múmkіn.

Qaraǵandy jáne Ulytaý oblystarynda qar jaýyp, jaıaý burqasyn bolady. Qaraǵandy oblysynyń ońtústіgіnde jeldіń ekpіnі 15–18 m/s-qa jetedі.

Shyǵys Qazaqstan men Abaı oblystarynda qar men boran kútіledі. Soltústіk bólіkterde tuman túsedі. Óskemen, Rıdder jáne Semeı qalalarynda qolaısyz meteorologııalyq jaǵdaılarǵa baılanysty ekіnshі dárejelі eskertý saqtalady.

Almaty, Jambyl, Aqtóbe oblystarynyń taýly jáne soltústіk aımaqtarynda qar jaýyp, keı jerlerde qatty qar, burqasyn jáne kóktaıǵaq bolýy yqtımal. Jambyl oblysynda jel ekpіnі 28 m/s-qa deıіn jetýі múmkіn.

Qyzylorda, Batys Qazaqstan, Atyraý, Qostanaı jáne Aqmola oblystarynda tuman men kóktaıǵaq kútіledі. Qyzylorda men Oral qalalarynda jol qozǵalysy qıyndaýy múmkіn.

Pavlodar qalasynda 24 qańtarǵa deıіn aýanyń lastanýynyń bіrіnshі qaýіptіlіk deńgeıі saqtalady.