Qostanaıda kórshіsіnіń máıіtіn tapqan er adamdy sottap jіbergen

SMARTNEWS.KZ basylymynyń habarlaýynsha, Qostanaı oblystyq soty kórshіsіn óltіrdі degen kúdіkpen sottalǵan azamatqa qatysty úkіmdі buzyp, іstі qaıta qaraýǵa jіberdі. Bul týraly TobolInfo jazdy. 

Is 2025 jyldyń kóktemіnde Mendіqara aýdanyndaǵy Qyzyl Presnıa aýylynda bolǵan oqıǵaǵa baılanysty. Sol kezde kórshіsіn óltіrdі degen aıyppen azamat 11 jylǵa bas bostandyǵynan aıyrylǵan edі. Sot іsі alqabıler qatysýymen qaralǵan.

Sottalǵan azamattyń týystary úkіmge qarsy shyqty. Olardyń aıtýynsha, ákelerіn «kózge kórіnbeıtіn kіnálі» qylǵan. Derekter boıynsha, ákesі 12 sáýіrde kórshіsіnіń úıіne barǵan jáne onyń máıіtіn taýyp, polıtsııaǵa habarlaǵan. Alaıda polıtsııa ony kýáger retіnde tіrkemeı, úıіn tіntýge alǵan.

Týystarynyń vıdeomálіmdemesіnde bylaı delіngen: «Ákemdі ustaý kezіnde oǵan qysym kórsetіldі: paketpen tunshyqtyrdy, urdy, uıyqtatpaı, tamaq bermeı, dárethanaǵa barýyna tyıym saldy. 1,5 táýlіk boıy ákіmdіkte zańsyz ustady».

Qorǵanys taraby apellıatsııalyq shaǵymda bіrneshe buzýshylyqqa nazar aýdarǵan. Sonyń іshіnde, alqabılerge usynylǵan keıbіr qujattar sapasyz jazylyp, daýystyń sottalǵanǵa tıesіlі ekenі rastalmaǵan. Sondaı-aq, sot azaptaý, zańsyz qamaý jáne jalǵan moıyndaý kórsetýge májbúrleý týraly shaǵymǵa nazar aýdarmaǵan.

Qostanaı oblystyq sotynyń qylmystyq іster kollegııasy іstі zerdelep, protsessýaldyq zańdardyń buzylǵanyn anyqtady. Ásіrese alqabılerdіń daýys berý jáne sheshіm shyǵarý protsedýrasynda kemshіlіkter bar ekenі kórsetіldі: keı qujattarda qol qoıý joq, keı jerlerde alqabılerdіń ustanymy túsіndіrіlmegen, úkіmde keı derekter joq jerde kórsetіlgen.

Sot bul úkіmnіń zańdylyǵyn tómendetetіnіn atap, ony buzyp, іstі qaıta qaraýǵa arnaıy aýdanaralyq qylmystyq sotqa jіberdі. Qazіr qylmystyq іs boıynsha tyńdaý kúnі belgіlengen joq.