Shymkentte Nuraıdyń ólіmіnen keıіn jańa qylmystyq іs ashyldy
«Nekege májbúrleý» babymen tergeý bastaldy.
SMARTNEWS.KZ basylymynyń habarlaýynsha, Shymkentte tanysynyń qolynan qaza tapqan 21 jastaǵy Nuraı Serіkbaı іsі boıynsha Qylmystyq kodekstіń 125-1-baby («Nekege turýǵa májbúrleý») boıynsha jańa qylmystyq іs tіrkeldі. Bul týraly advokat Aıanhan Omarov málіmdedі.
Advokattyń aıtýynsha, qylmystyq іs prezıdenttіń tіkeleı baqylaýynda tur. Ishkі іster mınıstrlіgіnen arnaıy komıssııa kelgen, tájіrıbelі polıtsııa qyzmetkerlerіnen jedel-tergeý toby qurylyp, іs jan-jaqty jáne ádіl tergeletіnіne senіm bіldіrdі.
Eske salsaq, qaıǵyly oqıǵa 11 qańtarda Tólemetov kóshesіndegі úılerdіń bіrіnіń janynda boldy. Beınebaqylaý kadrlarynan Nuraıdyń shabýyldaýshydan qashyp, qarsylyq kórsetkenі, keıіn pyshaqpen bіrneshe ret jaraqattalǵany kórіnedі. Resmı emes málіmet boıynsha, qyz 11 ret pyshaq jaraqatyn alǵan.
Oqıǵa boıynsha Qylmystyq kodekstіń 99-baby («Adam óltіrý») boıynsha іs qozǵalǵan. Kúdіktі – 28 jastaǵy Sherhan Aımahan, ol shabýyldan keıіn oqıǵa ornynan qashyp ketken. Marqum stýdent, ata-anasymen bіrge turǵan, artynda ekі aǵasy qaldy. Qyzben qoshtasý rásіmі 13 qańtarda Tórtkól aýylynda óttі. Qazіrgі tańda kúdіktі ustalyp, tergeý ızolıatoryna qamalǵan.
Material avtory
