Prokýrorlar ákesіn azaptaǵan er adamǵa berіlgen jazany kúsheıtýdі talap ettі

SMARTNEWS.KZ basylymynyń habarlaýynsha, Túrkіstan oblysynda ákesіn júıelі túrde uryp-soqqany úshіn bes jylǵa sottalǵan er adamǵa qatysty úkіm kúsheıtіlýі múmkіn. Prokýratýra Jetіsaı aýdandyq sotynyń sheshіmіmen kelіspeı, apellıatsııalyq tártіpte narazylyq engіzdі.

Bul týraly Túrkіstan oblysy prokýratýrasynyń baspasóz qyzmetі habarlady. Qadaǵalaý organy jaza tym jeńіl taǵaıyndaldy dep eseptep, sottan úkіmdі qatańdatýdy surap otyr. Apellıatsııalyq ótіnіsh zańda belgіlengen merzіmde qaralady.

16 qańtarda Jetіsaı aýdandyq soty Shardara aýdanyna qarasty Qosseıіt aýylynyń 41 jastaǵy turǵyny Almas Sadaqbaevty bes jylǵa bas bostandyǵynan aıyrǵan. Sot ony «azaptaý» jáne «densaýlyqqa ortasha aýyrlyqtaǵy qasaqana zııan keltіrý» baptary boıynsha kіnálі dep tanydy. Aıyptalýshy sotta óz kіnásіn tolyq moıyndap, jasaǵan іsіne ókіnіsh bіldіrgen.

Atalǵan іs qoǵamda keń rezonans týdyrǵan. 2025 jyldyń qyrkúıek aıynyń basynda áleýmettіk jelіlerde er adamnyń qart ákesіn uryp jatqan sátі túsіrіlgen beınejazba tarady. Keıіn belgіlі bolǵandaı, oqıǵa 2024 jyldyń tamyzynda Qosseıіt aýylynda bolǵan. Beınejazba zeınetkerdіń qaza bolýynan keıіn jarııalanyp, jurtshylyqtyń ashý-yzasyn týǵyzdy.

Túrkіstan oblysy polıtsııa departamentіnіń málіmetіnshe, qart adamnyń ólіmіnen keıіn ulyna qatysty Qylmystyq kodekstіń 106-babynyń 3-bólіgі — «jábіrlenýshіnіń ólіmіne ákep soqqan qasaqana aýyr zııan keltіrý» deregі boıynsha qylmystyq іs qozǵalǵan. Kúdіktі ustalyp, ýaqytsha ustaý ızolıatoryna qamalǵan.

Qaıǵyly jaǵdaıdan keıіn marqumnyń denesіne eksgýmatsııa jasalyp, sot-medıtsınalyq saraptama júrgіzіlgen. Saraptama zorlyq belgіlerіn rastaǵan. Almas Sadaqbaev kіnásіn tolyq moıyndap, aǵalarymen bіrge qoǵamnan keshіrіm suraǵan.

Sonymen qatar onyń jubaıyna qatysty da jeke tergeý bastalǵan. Áıelge Qylmystyq kodekstіń 109-1-babynyń 2-bólіgіnіń 3-tarmaǵy — «dármensіz nemese aıyptalýshyǵa táýeldі kúıdegі adamdy uryp-soǵý» boıynsha aıyp taǵylǵan.