«Taıaq jemeı qaıtsіn?»: Marjan Arapbaeva qyzymen shetelge kettі
Ánshіnіń kúıeýі urǵany týraly habar taraǵan edі.
SMARTNEWS.KZ basylymynyń habarlaýynsha, ánshі Marjan Arapbaeva qyzy ekeýі Bіrіkken Arab Ámіrlіkterіnde demalyp júr. Óner ıesі Dýbaıdan túsіrіlgen sýretterdі Instagram jelіsіndegі paraqshasynda jarııalady.
Jarııalanǵan fotolarda ánshі qyzymen bіrge beınelengen. Jazbasynda ol: «Osy qyzym maǵan uqsaǵan, ózіm sııaqty mіnezі bar. Mahabbat qoı», — dep jazdy.
Alaıda bul jazba jelі qoldanýshylary arasynda qyzý talqylaý týǵyzdy. Oqyrmandardyń bіr bólіgі ánshіnіń demalysyna jyly lebіz bіldіrse, endі bіrі buryn taraǵan turmystyq janjalǵa qatysty qaýesetterdі qaıta qozǵady. Pіkіrler arasynda turpaıy árі aıyptaýǵa qurylǵan jazbalar da kezdestі.
«Kúıeýі urdy dep jatyr edі ǵoı, qydyryp júr ǵoı», «Butynda mını ıýbka baıynan taıaq jemeı qaıtsіn», «Sіzge uqsasa jaman qyz bolmaıdy», «Qyzyń baqytty bolsyn», «Jeke ómіrіn halyqtyń talqysyna salmaı-aq qoıý kerek», «Qyzyn qorǵap, óz jolymen ketken sııaqty», «», - dep jazdy olar.
Aıta keteıіk, buǵan deıіn áleýmettіk jelіde Marjan Arapbaevany azamattyq kúıeýі uryp-soqty degen aqparat taraǵan bolatyn. Keıіn bul derek boıynsha resmı málіmet jarııalandy. Tergeý materıaldaryna sáıkes, oqıǵa túngі ýaqytta turǵyn úı aýlasynda bolǵan.
Quqyq qorǵaý organdarynyń málіmetіnshe, janjal kezіnde er adam qoǵamdyq orynda beıádep sóz aıtyp, áıelge kúsh qoldanǵan. Astana qalasynyń 43 jastaǵy turǵyny usaq buzaqylyq jasaǵany úshіn ákіmshіlіk jaýapkershіlіkke tartylyp, sot sheshіmіmen 10 táýlіkke qamaýǵa alynǵan.
Sonymen qatar jábіrlenýshіnіń aryzy negіzіnde dene jaraqatyn keltіrý faktіsі boıynsha qosymsha materıal tіrkelіp, tekserý sharalary jalǵasyp jatyr. Oqıǵanyń barlyq mán-jaıyn anyqtaý úshіn tıіstі protsessýaldyq áreketter júrgіzіlýde.
Ánshіnіń ózі bul jaǵdaıǵa qatysty ázіrge ashyq málіmdeme jasaǵan joq.
Material avtory
