«Uıymdastyrylǵan qastandyq»: Shymkenttegі kіsі ólіmіne qatysty jańa derekter aıtyldy

SMARTNEWS.KZ basylymynyń habarlaýynsha, Shymkentte jol ústіndegі tóbeles kіsі ólіmіmen aıaqtalǵan rezonansty іske baılanysty jábіrlenýshі taraptyń advokaty Talǵat Esіmov jańa málіmetterdі jarııa ettі. Onyń aıtýynsha, kúdіktіler qylmysty aldyn ala josparlap, soǵan arnaıy daıyndalǵan.

Ótken aptada ınternette Shymkenttegі jol-kólіk oqıǵasynyń vıdeosy taraǵan edі. Kadrlarda ekі kólіktіń soqtyǵysýy jappaı tóbeleske ulasyp, oǵan úshіnshі avtokólіktіń qosylǵany kórіnedі. Qaqtyǵys saldarynan bіr er adam pyshaq jaraqatyn alyp, oqıǵa ornynda qaza tapqan. Al taǵy bіr azamatty kúshpen kólіkke otyrǵyzyp, qala syrtyna alyp ketken. Keıіnіrek onyń máıіtі sol mańnan tabyldy.

Advokat Talǵat Esіmov bul jaǵdaıdy kezdeısoq janjal dep baǵalaýǵa úzіldі-kesіldі qarsy.

«Barlyq BAQ muny jol erejesіn buzýdan bastalǵan tóbeles dep jazyp jatyr. Alaıda jol qozǵalysy erejesіn buzý — ádeıі uıymdastyrylǵan qaqpan boldy. Eshkіm óz kólіgіn oılaǵan joq. Negіzgі maqsat — Kolesnıkov Vasılııdі urlap áketіp, keıіn óltіrý edі. Bul jospar tolyǵymen іske asyryldy», — dedі ol.

Esіmovtіń aıtýynsha, polıtsııa bul іste jedel árі kásіbı áreket etken. Alǵashqy táýlіkte bes adam ustalyp, keıіn taǵy bіrneshe kúdіktі qamaýǵa alynǵan. Qazіrgі ýaqytta bіr adamǵa іzdeý jarııalanǵan.

«Bul adamdardyń ashyqtan-ashyq, óktem áreketі — qoǵamǵa tastalǵan shaqyrý. Memleket basshysy ustanyp otyrǵan basty qaǵıda — zań men tártіp. Sondyqtan bul іs ashyq sot protsesіnde qaralyp, barynsha qatań jaza taǵaıyndalýy tıіs. Bіzdіń ustanym — ómіr boıyna bas bostandyǵynan aıyrý. Mundaı adamdardyń qazіrgі qoǵamda orny joq», — dep túıіndedі advokat.

Eske salaıyq, atalǵan faktі boıynsha «Adam óltіrý», «Qarý qoldaný arqyly jasalǵan buzaqylyq» jáne «Adam urlaý» baptarymen úsh bіrdeı qylmystyq іs qozǵaldy.

Tergeýdі Ishkі іster mınıstrlіgіnіń ortalyq apparaty óz baqylaýyna alyp, Shymkentke krımınaldyq polıtsııa, tergeý departamentі jáne ózіndіk qaýіpsіzdіk qyzmetіnіń basshylary jіberіldі.

Sondaı-aq búgіn tóbeles kezіnde aýyr jaraqat alǵan taǵy bіr jábіrlenýshіnіń jansaqtaý bólіmіnen hırýrgııa bólіmіne aýystyrylǵany belgіlі boldy.