Tımýr Bekmambetovtyń fılmі AQSh prokatynda «Avatardy» artta qaldyrdy
Bekmambetovtyń jańa fılmі bіrіnshі orynǵa shyqty.
SMARTNEWS.KZ basylymynyń habarlaýynsha, rejısser Tımýr Bekmambetovtyń «Mercy» fılmі AQSh-taǵy alǵashqy demalys kúnderіnde kassalyq tabys boıynsha Djeıms Kemeronnyń «Avatar: Ot pen kúl» kartınasyn basyp ozdy.
Fılm Soltústіk Amerıka prokatyndaǵy debıýtіnde 11,2 mln dollar jınap, bes apta boıy kósh bastaǵan «Avatar: Ot pen kúldіń» ústemdіgіne núkte qoıdy. Osy nátıjemen Bekmambetovtyń jobasy demalys kúnderіnіń kóshbasshysy atandy.
Aldyn ala boljam boıynsha, «Mercy» 12 mln dollar jınaýy tıіs edі. Alaıda AQSh-qa jaqyndaǵan daýylǵa baılanysty boljam tómendetіlgen. Halyqaralyq prokatta fılm álsіz nátıje kórsettі: 80 naryqta nebárі 11,6 mln dollar jınady. Osylaısha, kartınanyń álemdіk kassasy 22,8 mln dollarǵa jettі.
Bolashaq, jasandy ıntellekt jáne 90 mınýttyq úkіm
Fılm oqıǵasy jaqyn bolashaqta órbıdі. Basty keıіpkerdіń aldynda nebárі 90 mınýt ýaqyty bar — ol bіr kezderі ózі jasaýǵa atsalysqan jasandy ıntellekt-sýdıaǵa óz kіnásіzdіgіn dáleldeýі kerek.
Akter Krıs Prattyń aıtýynsha, túsіrіlіm protsesі teatr qoıylymyn eske salǵan. Bіr kadrdyń uzaqtyǵy keıde bіr saǵatqa deıіn sozylyp, fılmge qosymsha dramalyq kerneý men shynaıylyq bergen.
Kameralar, drondar jáne robot-ıtter
Tımýr Bekmambetov bul jobada dástúrlі emes tásіlderge júgіndі. Túsіrіlіm kezіnde denege taǵylatyn kameralar, drondar, tіptі robot-ıtter paıdalanylǵan. Al prodıýser Charlz Roven («Oppengeımer» fılmіmen tanymal) jasandy ıntellekt taqyryby joba ústіnde jumys іstegen kezde burynǵydan da ózektі bola túskenіn atap óttі.
Material avtory
