Jańaózende pyshaqtalǵan jas dárіger kóz jumdy

SMARTNEWS.KZ basylymynyń habarlaýynsha, Mańǵystaý oblysynyń Jańaózen qalasynda dárіgerge jasalǵan shabýyl adam ólіmіmen aıaqtaldy. Qaıǵyly oqıǵa 28 qańtar kúnі shamamen saǵat 14:00-de medıtsınalyq mekemenіń dálіzіnde bolǵan.

Aldyn ala málіmetke sáıkes, belgіsіz er adam terapevt-dárіgerge pyshaqpen aýyr jaraqat salǵan. Alǵan jaraqattarynyń saldarynan 29 jastaǵy medıtsına qyzmetkerі kóz jumdy.

Mańǵystaý oblystyq polıtsııa departamentіnіń málіmetіnshe, kúdіktі ustalyp, ýaqytsha ustaý ızolıatoryna qamaldy.

Polıtsııa taratqan resmı aqparatta:
«28 qańtar kúnі Jańaózen qalasynda 29 jastaǵy er adam pyshaq jaraqatynan qaıtys boldy. Aldyn ala derekter boıynsha, janjal turmystyq-sıpattaǵy otbasylyq kıkіljіń negіzіnde týyndaǵan. Oqıǵadan keıіn kúdіktі óz erkіmen Jańaózen qalalyq polıtsııa basqarmasyna kelіp, kіnásіn moıyndady. Atalǵan derek boıynsha QR Qylmystyq kodeksіnіń 99-baby, 1-bólіgі boıynsha qylmystyq іs qozǵaldy», — delіngen.

Qazіrgі ýaqytta oqıǵanyń barlyq mán-jaıyn jan-jaqty, tolyq jáne obektıvtі anyqtaýǵa baǵyttalǵan tergeý amaldary júrgіzіlіp jatyr.

Aıta keteıіk, QR Densaýlyq saqtaý mınıstrlіgі 2025 jylǵy 25 jeltoqsanda medıtsına qyzmetkerlerіne jasalǵan shabýyldar boıynsha statıstıkany jarııalaǵan bolatyn. Vedomstvo deregіne sáıkes, 2019 jyldan berі elіmіzde 280 dárіger men medbıke túrlі deńgeıdegі shabýyldan zardap shekken.